ავტომობილი ლათინური სიტყვაა და მოძრავს ნიშნავს. მისი პირვანდელი განმარტება კი შემდეგნაირად ჟღერდა, ეს იყო თვითმავალი ეტლი, რომელსაც აქვს ორზე მეტი ბორბალი და ამასთანავე ბორბლებთან ერთად შესაძლოა ქონოდა მუხლუხები ან თხილამურები და გამოიყენება მგზავრების გადასაყვანად ან ტვირთის გადასაზიდად.

აქვე ავღნიშნოთ ის ფაქტიც, რომ პირველი ავტომობილის იდეა თვით ლეონარდო და ვინჩის ეკუთვნის.  მან 1515 წელს იმდროინდელ მთავრობას წარუდგინა თვითმავალი მოწყობილობის პროექტი, რომლის მიხედვითაც საბურავები უნდა აემოძრავებინა წინასწარ შეკუმშულ ზამბარას.

მას შემდეგ მრავალმა საუკუნემ განვლო და დროსთან ერთად ეტაპობრივად იცვლებოდა და იხვეწებოდა ავტომობილის როგორც ექსტერიერი, ასევე ინტერიერიც. მსოფლიო ბაზარზე მრავალი ქვეყნის ავტომწარმოებლები მუდმივად ეჯიბრებოდნენ ერთმანეთს, რათა მათ მიერ შექმნილ ავტომობილს მაქსიმალურად დაეკმაყოფილებინა მომხმარებლის მოთხოვნები. იქნებოდა ეს ვიზუალური შტრიხები და ტექნიკური მონაცემები, თუ უსაფრთხოება და კომფორტი.

ამ ბლოგში კი გვინდა შემოგთავაზოთ რამდენიმე, ყველასათვის კარგად ცნობილი ავტომობილი და მათ ფონზე ნათლად დავინახოთ, თუ როგორ იცვლებოდა ავტომობილის დიზაინი ბოლო 80 წლის განმავლობაში.

მაშ ასე, პირველი ჩვენს სიაში 1938 წლის Volkswagen Beetle-ია. ის ყველა დროის ერთ-ერთი ყველაზე გაყიდვავი მოდელია, რომელმაც საზოგადოებას თავი მისი ხოჭოსებრი კორპუსით დაამახსოვრა. Beetle 1938 წელს ავსტრიელი დიზაინერის, Erwin Komenda-ს მიერ შეიქმნა. ეს ავტომობილი ამერიკის ბაზარზე 1949 წლიდან 1977 წლამდე იყიდებოდა, შემდგომ კი მისი წარმოება შეწყდა. მოგვიანებით, 1998 წელს  ,,Love Bug”, განახლებული დიზაინით ისევ გამოჩნდა ბაზარზე. საბოლოოდ კი Beetle-ის წარმოება 2019 წელს შეწყდა.

1953 Chevrolet Corvette: ეს ავტომობილი ცნობილი, როგორც ამერიკის სპორტული მანქანა. კორვეტის დებიუტი, როგორც ,,Dream Car” 1953 წლის იანვარში შედგა. მას შემდეგ კორვეტის ახალ მოდელებში დაინერგა მრავალი ინოვაციური ფუნქცია, როგორებიცაა, კომპოზიტური კორპუსის პანელები, დაბლოკვის საწინააღმდეგო მუხრუჭები, საბურავებში დაბალი წნევის მანიშნებელი და ქურდობის საწინააღმდეგო სისტემები.

1955 Citroen DS: ნამდვილი ქალღმერთი. ეს ავტომობილი, მისი ინოვაციური ტექნოლოგიისა და დიზაინის გათვალისწინებით, მყარად იკავებს ადგილს ყველა დროის საუკეთესო ავტომობილების ათეულში. ეს ფრანგული ლეგენდა შექმნილია იტალიელი მხატვრისა და არქიტექტორის Flaminio Bertoni-ის მიერ. ზვიგენისებური ექსტერიერი და ფუტურისტული მინიმალისტური ინტერიერით, DS დღესაც განიხილება, როგორც ფრანგული კულტურის დიზაინის ზეიმი.

1959 The Mini Cooper: 1956 წლის სუეციის არხის კრიზისმა გამოიწვია ნავთობის კრიზისი დიდ ბრიტანეთში. შედეგად, გაჩნდა საჭიროება შექმნილიყო ავტომობილი, რომელიც ცოტაოდენ საწვავს მოიხმარდა. სწორედ ამ დროს გამოჩნდა Sir Alec Issigonis, რომელმაც ყველასათვის საყვარელი მოდელი Mini Cooper წარუდგინა საზოგადოებას. ეს ავტომობილი არამარტო საწვავის ეკონომიით, არამედ მისი პატარა ექსტერიერითა და ფართო ინტერიერით გამოირჩეოდა. მასში 4 მგზავრი თავიანთი ბარგით თავისუფლად ეტეოდა, ეს ყველაფერი კი ხელმისაწვდომი ფასი ღირდა. მოგვიანებით, 1969 წელს, დედოფალმა ელისაბეტმა ბატონი ისიგონისს რაინდის ტიტული მიანიჭა. Mini კი დღესაც წარმოებაშია.

1961 Jaguar E-Type: ბრიტანული E-Type, ლეგენდარულმა Enzo Ferrari-მ შეაფასა, როგორც ,,The Most Beautiful Car Ever Made”.  ეს ავტომობილი 1960-იანი წლების საკულტო მოდელია. ეს იყო ორადგილიანი კუპე, რომელიც ფოლადის ნაცვლად, ალუმინის მასალით აიგო. აშშ-ში მას Jaguar XKE-ს უწოდებენ. მისი განახლებული ვერსია, Jaguar E-Type Concept Zero, საზოგადოებამ პრინცი ჰარისა და მეგან მარკლის სამეფო ქორწილის დროს იხილა.

1962 Volvo PV544: Nils Bohlin იყო Volvo-ს ინჟინერი, რომელმაც შექმნა პირველი სამპუნქტიანი უსაფრთხოების ღვედი ავტომობილისთვის. ეს მოწყობილობა ეფექტურად იცავდა მძღოლსა და მგზავრებს. ღვედი, საჭირო მომენტში, მკერდსა და ქვედა ტანს ერთდროულად აფიქსირებდა და ამაგრებდა. ეს გამოგონება კი პირვლად სწორედ Volvo PV544-სა და Volvo Amazon-ში გამოჩნდა. Volvom-მ ეს დიზაინი თავისთვის არ შეინახა და ბაზარზე ის შეიტანა, როგორც ,,Open Patent”, რათა სხვა ავტომწარმოებლებსაც გამოეყენებინათ ის მომავალში მრავალი სიცოცხლის გადასარჩენად.

1964 Ford Mustang: მას ცხენის ლოგოს გამო მეტსახელად ,,Pony Car” შეარქვეს.  ეს არის ყველასათვის კარგად ცნობილი და საყვარელი ლეგენდარული ავტომობილი, რომლის დებიუტი 1964 წელს შედგა. ამერიკული კუპე, რომელიც 4 მგზავრზე იყო გათვლილი, გრძელი კაპოტითადა ,,ღია პირით“, ახალგაზრდების გულს ადვილად იპყრობდა. 

1991 Ford Explorer: თავის დროზე ერთ-ერთი ყველაზე გაყიდვადი SUV კლასის ავტომობილი, რომელიც დღემდე პოპულარობით სარგებლობს. ჯიპის სიმაღლე მძღოლს გზის უკეთ ხედვისა და მართვის საშუალებას აძლევდა. დიდი ინტერიერი კი თავისუფლად იტევდა 7 მგზავრს. ავტომობილი გათვლილი იყო უგზოობისთვის და მარტივად უმკლავდებოდა თითქმის ყველა სახის რელიეფურ დაბრკოლებას. თუმცა ეს მოდელი, თანამედროვე Explorer-ისგან განსხვავებით ნამდვილად არ გამოირჩეოდა საწვავის ეკონომიით. ის იყო ერთ-ერთი ყველაზე პოპულარული საოჯახო ავტომობილი.

2018 Toyota RAV 4: თანამედროვე SUV კლასის ავტომობილი, რომელიც გამოირჩევა უსაფრთხოებითა და გამძლეობით. დახვეწილი ინტერიერი და ექსტერიერი კი მას ნამდვილად ხდის მიმზიდველ საოჯახო ავტომობილად. ის ერთ-ერთი ყველაზე გაყიდვადი მოდელია Honda C-RV-სა და Nissan Rogue-სთან ერთად.

და ბოლოს Toyota Concept-i: ეს არის Toyota-ს ერთგვარი ხედვა, თუ როგორი უნდა იყოს მომავლის ავტომობილი. ეს მოდელი გვთავაზობს დახვეწილ, მინიმალისტურ დიზაინს, რომელიც არის ,,თბილი და მეგობრული და ბრუნავს თქვენს გარშემო“. ის დაიწყებს მძღოლისა და მგზავრის საჭიროებების შესწავლას, შემდგომ წინასწარ განსაზღვრავს მათ მოთხოვნილებებს, შესაძლოა ადამიანის ემოციების ამოცნობაც კი შეძლოს და საჭიროების მიხედვით მართოს მათთვის. ეს იქნება ნაკლებად მანქანა და მეტად მეგობარი. მძღოლი და ავტომობილი გუნდურად იმოქმედებენ.

დასკვნის სახით კი შესაძლებელია ითქვას, რომ ამ ავტომობილების ფონზე ჩვენ ნათლად დავინახეთ თუ როგორ იცვლებოდა მანქანების დიზაინი ბოლო 80 წლის განმავლობაში.

ამბოლი, მეტი დრო მოძრაობისთვის!