კიდევ უფრო მოგვიახლოვდა ზამთარი, რაც იმას ნიშნავს, რომ ჩვენს ,,რკინის მეგობარს“ შესაბამისი მომზადება სჭირდება, რათა სეზონისათვის შესაფერისად იყოს აღჭურვილი. ამიტომ თუ ჯერ კიდევ არ გადაგიდგამთ ამ მხრივ ნაბიჯები, მაშინ ნუღარ დააყოვნებთ და ნურც ტემპერატურის მკვეთრ ვარდნას დაელოდებით, რამაც, შესაძლოა, მნიშვნელოვანი პრობლემები შეგიქმნათ, როგორც თქვენ, ასევე - თქვენს ავტომობილს. ამიტომაც, ეცადეთ, მას დროულად ჩაუტაროთ ყველა საჭირო სერვისი. მათგან კი ერთ-ერთი სწორედ, სეზონისათვის შესაბამისი საბურავების მორგებაა.

ამ ბლოგშიც სწორედ ამ საკითხზე გვინდა, გესაუბროთ და განვიხილოთ, სამი მოწინავე, საბურავების მწარმოებელი ბრენდის უმაღლესი ხარისხის ზამთრის საბურავები. ასე რომ, გაეცანით ქვემოთ მოცემულ განხილვას, რაც გაგიადვილებთ არჩევანის გაკეთებას.

Nexen Winguard ICE SUV - საბურავი, რომელიც გათვლილია მკაცრი ზამთრის პირობებისთვის. ის შექმნილია, ჯიპების, მსუბუქი სატვირთო ავტომობილებისა და კროსოვერებისთვის. მას აქვს მიმართულებითი, ორმაგი, V ფორმის პროტექტორის ღარები, რაც გამორიცხავს აკვაპლანირებასა და ნარჩენების გამოდევნას. გადაადგილებისას ხასიათდება დაბალი წინააღმდეგობით, რაც აისახება საწვავის ეკონომიაზე. გვერდითა მძლავრი და მასიური კედლები კი, ხარისხისა და გამძლეობის გარანტია. ამასთანავე, საბურავის დამზადებისას გამოყენებული უმაღლესი ხარისხის მასალები უზრუნველყოფს უხმაურო გადაადგილებას. საერთო ჯამში, აღნიშნული საბურავი ხასიათდება, კარგი მანევრირებითა და მართვით. ამასთანავე, უმოკლესი სამუხრუჭე მანძილით, როგორც თოვლიან, ასევე ყინულიან ზედაპირზე. ის არის ხარისხის, ღირებულებებისა და ინოვაციებისადმი ერთგულების შესანიშნავი მაგალითი.

Goodyear Ultra Grip Performance+ - ევროპული ტიპის ზამთრის საბურავი, რომელიც უზრუნველყოფს საიმედო მოჭიდებასა და ეფექტურ დამუხრუჭებას, როგორც თოვლზე, ასევე - სველ და მშრალ ზედაპირზე. ეს საბურავის მოდელი სპეციალურად შექმნილია მაღალი ხარისხის სამგზავრო ავტომობილებისთვის. მისი დამზადებისას გამოყენებულია ორი ინოვაციური ტექნოლოგია, Traction Protect, რომელიც საჭირო დროს აუმჯობესებს საბურავის დეფორმაციისა და რეფორმირების შესაძლებლობებს, რაც მძღოლს ეხმარება ეფექტურ დამუხრუჭებაში. და მეორე - Winter Grip Technology, მისი წყალობით, დაბალ ტემპერატურაზე, საბურავის რეზინი ხდება უფრო ელასტიური, რაც უკეთესი მოჭიდების საშუალებას იძლევა, როგორც თოვლზე, ასევე - ყინულზე გადაადგილებისას.

Hankook W320 - აღნიშნული მოდელიც ერთ-ერთი საუკეთესო ნიმუშია მის კონკურენტებს შორის, ზამთრის პირობებში გადაადგილებისას. ოპტიმიზირებული ზედაპირის ნიმუში უზრუნველყოფს ეფექტურ მოძრაობას ნებისმიერ ზედაპირზე. საბურავი განსაკუთრებით კარგად მუშაობს ტიპური ,,ზამთრის გზებზე“. ოთხკუთხა ფორმის პროტექტორის გაზრდილი რაოდენობა უზრუნველყოფს უკეთეს დამუხრუჭებას თოვლიან და ყინულიან ზედაპირზე. განივი ჭრილების მეშვეობით გაუმჯობესებულია მოჭიდება და სტაბილურობა. ინოვაციური რეზინის ნაერთის კომპონენტებით დამზადებული საბურავი, მას უფრო მსუბუქს ხდის, რაც გადაადგილებისას ნაკლებ წინააღმდეგობაში გამოიხატება და, შესაბამისად, ამცირებს საწვავის მოხმარებას. ორი პარალელური სწორი ღარი კი, ამცირებს აკვაპლანირების რისკს და ვიბრაციას მოძრაობისას.

ახლა თქვენ უკვე იცით თითოეული მათგანის შესახებ, ასე რომ , მობრძანდით ჩვენს ნებისმიერ ფილიალში, სადაც ჩვენი მაღალკვალიფიციური თანამშრომლები დაგეხმარებიან თქვენი ავტომობილისთვის შესაბამისი ზამთრის საბურავების შერჩევაში.

გისურვებთ მშვიდობიან მგზავრობას.

ამბოლი, მეტი დრო მოძრაობისთვის!