Le Mans-ის 24 საათიანი რბოლა ეს არის მსოფლიოში ერთ-ერთი ყველაზე ცნობილი ყოველწლიური საავტომობილო შეჯიბრი, რომელშიც სხვადასხვა ქვეყნის საუკეთესო მრბოლელები იღებენ მონაწილეობას. ეს ასპარეზობა 1923 წლიდან იღებს სათავეს და ცნობილია მისთვის დამახასიათებელი რთული პირობებით.

სარბოლო ტრასა ლე მანში, საფრანგეთის ჩრდილო-დასავლეთით პეი დე ლა ლუარის რეგიონში მდებარეობს, რომელიც პარიზიდან სამხრეთ-დასავლეთით 200 კილომეტრითაა დაშორებული. ამ ტრეკს სხვაგვარად, ,,რბოლის გამძლეობის ტაძრადაც“ კი მოიხსენიებენ. რადგან ეს არის ერთგვარი სასტიკი გამოცდა, როგორც მრბოლელის, ასევე ავტომობილისა, რომელსაც ის მართავს. ამ რთული ტრასის გავლა, ხშირ შემთხვევაში, პილოტებს 200 მილი/საათში სიჩქარით უწევთ, რაც უფრო სახიფათოსა ადრენალინით სავსეს ხდის შეჯიბრს.

Avis არის FIA-ს მსოფლიო ჩემპიონატის პრემიუმ პარტნიორი, რომელიც სტუმრობს Le Mans-ის 24 საათიან რბოლას. წლევანდელ შეჯიბრს ისტორიული მნიშვნელობა აქვს, რადგან წელს 100 წელი შესრულდა ლე მანის ტრასაზე გამართული პირველი შეჯიბრიდან. ამ ხნის განმავლობაში მრავალი დოკუმენტური ფილმისა თუ ვიდეო რგოლის გადაღება მოხდა და ამასთანავე რბოლას ყოველწლიურად 250000-ზე მეტი მაყურებელი სტუმრობს.

წელს შეჯიბრი 10 და 11 ივნისს ჩატარდება, თითოეული გუნდი 3 მრბოლელისაგან შედგება, რომლებიც 24 საათის განმავლობაში ეცვლებიან ერთმანეთს, ეს შეჯიბრის ერთ-ერთი გადამწყვეტი და მნიშვნელოვანი ასპექტია. Le Mans-ის სარბოლო ტრასა 64 სპეციალური ავტოფარეხისაგან შედგება და თითოეული გუნდი, როგორც ავღნიშნეთ, იყენებს 3 მძღოლს, რომელთაგან ერთი პილოტით ასპარეზობის მაქსიმალური დრო 14 საათია, ხოლო მინიმალური კი 45 წუთიდან 4 საათამდე.

სარბოლო ტრასა აერთიანებს როგორც საჯარო მონაკვეთებს, ასევე სოფლის ტრასებსაც, რაც მას განსხვავებულ და საინტერესო ელფერს სძენს. აქვე გეტყვით იმასაც, რომ წელს შეჯიბრში 13 სხვადასხვა ფირმის ჰიპერქარი მიიღებს მონაწილეობას, რომელთა შორისაც იქნებიან: Toyota, Peugeot, Ferrari, Porsche, Cadillac, Glickenhaus და Vanwall. 

ცნობისთვის, Le Mans-ის წრის რეკორდი დაფიქსირებულია გინესის რეკორდების წიგნში, 3 წუთი და 17,297 წამი, რომლის მიღწევაც ბრიტანელმა მრბოლელმა მაიკ კონვეიმ შეძლო Toyota TS050 Hybrid ავტომობილით 2019 წლის 15-16 ივნისს.

რაც შეეხება ამინდს, ივნისში ლე მანსში საშუალო ტემპერატურა 23 გრადუს აღწევს, წლის ამ დროს არ ცხელა და ხშირია ღრუბლიანი და წვიმიანი ამინდებიც, თუმცა მეტეოროლოგიური პირობები ნამდვილად ვერ შეაფერხებს წვეულების ატმოსფეროს.

სატელევიზიო ტრანსლაციით, მსოფლიოს 190 ქვეყანაში შეუძლიათ უყურონ Le Mans-ის რბოლას გულშემატკივრებმა, რომელთა ჯამური რაოდენობაც დაახლოებით 46,8 მილიონია.

და ბოლოს, არ შეიძლება არ აღინიშნოს ის ფაქტი, რომ Goodyear 1965 წლიდან არის ამ შეჯიბრის ერთ-ერთი აქტიური პარტნიორი, რომელიც სპეციალურად რბოლისთვის, მონაწილეებს ამარაგებს უმაღლესის ხარისხისა და შემადგენლობის მქონე საბურავებით. აღსანიშნავია, რომ Le Mans-ის ისტორიაში, 14-მდე აღწევს იმ ავტომობილთა რიცხვი, რომლებმაც რბოლაში გაიმარჯვეს და Goodyear-ის საბურავები ეყენათ. 

გისურვებთ მშვიდობიან მგზავრობას,

ამბოლი - მეტი დრო მოძრაობისთვის!