ჩვენს ცხოვრებაში ბევრ რამეს იმდენად ავტომატურად ვაკეთებთ, რომ არც ვუკვირდებით მის მნიშვნელობას და არსს. ამ მხრივ არც ჩვენი ავტომობილებია გამონაკლისი. სულ ერთი წუთით რომ შეხედოთ თქვენს მანქანას და დაფიქრდეთ, თუ რამდენად მნიშვნელოვანი გამოგონებაა კაცობრიობის ისტორიაში, რა ეტაპები გაიარა საბოლოოდ ჩვენამდე რომ მოსულიყო და რამდენად გვიიოლებს ყოველდღიურ საქმიანობას, ალბათ უფრო მეტად დავაფასებდით და მოვუფრთხილდებოდით. 

ამ ბლოგში გვინდა, გესაუბროთ იმ უცნაურ და სახალისო ფაქტებზე, რომლებიც ადასტურებენ, თუ რამდენად საინტერესო იყო ავტომობილის ევოლუცია.

პირველი ელექტრომობილი შეიქმნა 1832 წელს: პირველი ელექტროძრავიანი მანქანა შექმნა რობერტ ანდერსონმა 1832 წელს. შემდეგ 1990-იან წლებში General Motors-მა დაიწყო მათი მასობრივი წარმოება. დღეს მძღოლების უმრავლესობა საკუთარ არჩევანს ელექტრომობილებზე აჩერებს, რათა შეამცირონ ნახშირბადის გამოყოფა და მეტად იზრუნონ გარემოზე.

კრუიზ კონტროლის გამომგონებელი ბრმა იყო: 1945 წელს ავტომობილების ინჟინერმა Ralph Teetor-მა შექმნა ტექნოლოგია, რომელსაც დღეს კრუიზ კონტროლის სახელით ვიცნობთ. ეს იყო ერთ-ერთი პირველი და ინოვაციური გამოგონება საავტომობილო ისტორიაში, რამდენადაც გასაკვირი არ უნდა იყოს, მან ეს მხედველობის გარეშე შეძლო.

ყველა ავტომობილს აქვს დაახლოებით 3000 ნაწილი: თითქმის შეუძლებელია, მანქანის მფლობელმა იცოდეს ავტომობილის ყველა ნაწილი სულ პატარა ჭანჭიკის ჩათვლით. როგორც წესი, უმეტესმა ჩვენგანმა მხოლოდ ძირითადი ნაწილები ვიცით, როგორებიცაა: აკუმულატორი, ძრავი, გადაცემათა კოლოფი, სამუხრუჭე ხუნდები და სხვა.

მსოფლიოში ყველაზე დიდი ავტოკოლექცია 7000-ზე მეტი ავტომობილისგან შედგება: ბრუნეის 29-ე სულთანს აქვს უდიდესი კერძო მანქანების კოლექცია, 7000-ზე მეტი მარკისა და მოდელის ავტომობილით. მათი საერთო ღირებულება 5 მილიარდ აშშ დოლარზე მეტი ღირს.

მსოფლიოში პირველი ჯარიმა სიჩქარის გადაჭარბებისთვის: ალბათ მანამდე დადგენილი სიჩქარის ზღვარს მრავალჯერ გადააჭარბეს, თუმცა, ამ ტიპის დარღვევისთვის პირველი ჯარიმა 1902 წელს გამოიწერა. სიჩქარე დაახლოებით 72 კმ/სთ-ს შეადგენდა.

ყოველწლიურად იწარმოება 60 მილიონი მანქანა: ეს არის 165 000 ავტომობილი დღეში. 

ავტომობილით მთვარემდე მისასვლელად ერთ თვეზე ნაკლებია საჭირო: მიმართეთ თქვენი ავტომობილი პირდაპირ მაღლა და საშუალოდ 96 კმ/სთ-ით გადაადგილდით, თქვენ დაახლოებით ერთ თვეში მთვარეზე აღმოჩნდებით.

Volkswagen ფლობს ავტომობილების 12 ცნობილ ბრენდს ევროპის 7 ქვეყნიდან: ესენია - Audi, Seat, Skoda, Bentley, Bugatti, Lamborghini, Porsche, Ducati, Scania, Man, Volkswagen Commercial Vehicles და Volkswagen-ის სამგზავრო ავტომობილები.

ავტოავარიაში მოხვედრისას სიკვდილის ალბათობა 1-ია 5000-დან: ეს მონაცემი რომ შევადაროთ ავიაკატასტროფის დროს მსგავს მონაცემს, სადაც დაღუპვის ალბათობა 1-ია 11 მილიონიდან, დაგვეთანხმებით ალბათ, რომ ავტომობილით გადაადგილება საკმაოდ სახიფათოდ ჟღერს.

ერთი ავტომობილის მიერ ყველაზე დიდი ჯამური გარბენი არის 2850000 მილი: ეს დედამიწის გარშემო 100-ჯერ შემოვლის ტოლფასია.

იმედია მოგეწონათ ზემოთ ჩამოთვლილი ფაქტები ავტომობილების შესახებ, შესაძლოა, რამდენიმე მათგანი იცოდით კიდეც, თუმცა ალბათ სიახლესაც აღმოაჩენდით. ეთ.

გისურვებთ მშვიდობიან მგზავრობას.

ამბოლი, მეტი დრო მოძრაობისთვის!