ავტომობილისთვის განკუთვნილი აკუმულატორის წინამორბედი დაახლოებით ორი საუკუნის წინ შეიქმნა, თუმცა თითოეულ მათგანს ერთი რამ აერთიანებდა, ისინი ერთჯერადი მოხმარების იყო და მათი დატენვა ვერ ხერხდებოდა. საბოლოოდ, ფრანგმა ფიზიკოსმა, სახელად Gaston Plante-მ პირველი ტყვიის მჟავა-აკუმულატორის შემუშავებით ერთჯერადი გამოყენების დილემა გადაჭრა. მიუხედავად იმისა, რომ მის დიზაინს ჰქონდა გარკვეული ხარვეზები, როგორიცაა ენერგიის მიწოდების ხანმოკლე ხანგრძლივობა, მან მაინც მნიშვნელოვანი ნაბიჯი გადადგა აკუმულატორების ევოლუციაში და სწორედ მისი გამოგონება ითვლება თანამედროვე საავტომობილო აკუმულატორების წინაპრად.

მას შემდეგ მათ მრავალი სახის ევოლუცია განიცადეს და წლების განმავლობაში შეიქმნა სხვადასხვა ზომის, ფორმისა თუ აგებულების ბატარეები. ერთ-ერთ ასეთს სწორედ AGM ტექნოლოგიით აწყობილია კუმულატორები წარმოადგენენ. თავდაპირველად ეს ტექნოლოგია 1980 წელს გამოიგონეს და განვითარების შემდგომ, საბოლოოდ 1985 წელს დაინერგა. აღსანიშნავია, რომ მათ თავიდან სამხედრო თვითმფრინავებსა და რაკეტებში იყენებდნენ, სადაც სიმძლავრეს, წონას, უსაფრთხოებასა და საიმედოობას გადამწყვეტი როლი აკისრიათ.

AGM იშიფრება, როგორც Absored Glass Mat - ის წარმოადგენს თხელ, ულტრა წვრილ მინაბოჭკოვანმასალას, რომელიც მოთავსებულია დადებით და უარყოფით ფირფიტებს შორის და გაჯერებულია მჟავით, დაახლოებით 95%-მდე. ამასთანავე ეს მასალაც და ფირფიტებიც შეფუთულ მდგომარეობაშია და სწორედ ამის გამო ისინი იმუნურები არიან ვიბრაციის მიმართ.

მათი აგებულების მეთოდი უზრუნველყოფს უფრო მაღალი ძაბვის გამავლობას, რაც მათ საშუალებას აძლევს, მხარი დაუჭირონ თანამედროვე და მაღალი ხარისხის ავტომობილებში არსებული ტექნოლოგიების მზარდ რაოდენობას. მჭიდროდ შეფუთული მინაბოჭკოვანი გამყოფებიპასუხმისმგებელია მეტ გამძლეობასა და გაზრდილი ენერგიის გამომუშავებაზე. როგორც დამატებითი უპირატესობა, ეს ბატარეები თითქმის არ საჭიროებენ მოვლას.

იმისათვის, რომ გავიგოთ ჩვენი ავტომობილის აკუმულატორი არის თუ არა AGM ტიპის, ამისათვის სულაც არ არის საჭირო მისი დაზიანება. საბედნიეროდ, ეს ინფორმაცია მითითებულია ეტიკეტზე. ასევე, თუ თქვენ არ გაქვთ მარტივი წვდომა აკუმულატორზე, რათა ის ვიზუალურად დაათვალიეროთ, ეს მონაცემები აუცილებლად იქნება მანქანის სახელმძღვანელოში. კიდევ ერთი რამ, რაც აუცილებლად უნდა გაითვალისწინოთ, არის ის, რომ თუ თქვენი ავტომობილი აღჭურვილია მრავალი ელექტრონული საშუალებით და ამასთანავე იყენებს ე.წ გაჩერება/დაქოქვის(Start-Stop) ფუნქციას, რომლის დროსაც აკუმულატორი საჭიროებს სწრაფ დატენვას რეგენერაციული დამუხრუჭების სისტემის გამო, მაშინ მანქანა დიდი ალბათობით მოიხმარს AGM სისტემის აკუმულატორს.

უნიკალური დიზაინის წყალობით, AGM ბატარეები უფრო გამძლეა და უფრო ნაკლები შიდა წინააღმდეგობა აქვთ, ჩვეულებრივ აკუმულატორთან შედარებით. ეს კი მათ ბევრ უპირატესობას აძლევს:

• AGM ტექნოლოგია უფრო მეტ ელექტროენერგიას იძლევა, ჩვეულებრივ აკუმულატორებთანშედარებით, რაც აადვილებს ავტომობილის დაქოქვას და დამატებით ენერგიას გამოიმუშავებს სხვა ელექტრონული საშუალებებისთვის. მაგალითად როგორებიცაა, სენსორული ეკრანები, სარეზერვო კამერები და საწვავის დამზოგავი Start-Stop სისტემები.
• AGM აკუმულატორები იტენება 5-ჯერ უფრო სწრაფად, ვიდრე ჩვეულებრივი ბატარეები.
• AGM ტექნოლოგიის მქონე ბატარეები 3-ჯერ უფრო სისცოცხლისუნარიანია, ვიდრე ჩვეულებრივი აკუმულატორები, ეს კი, რა თქმა უნდა, გარკვეულწილად ეკონომიაა ხანგრძლივ პერსპექტივაში.
• AGM აკუმულატორები უფრო დიდხანს ინარჩუნებენ დატენვას, როდესაც ის არ გამოიყენება.
• AGM აკუმულატორი ,,დაღვრის“ მიმართ მდგრადია, რადგან ელექტროლიტი ინახება ფირფიტის გამყოფებით და ბატარეა მთლიანად დალუქულია. ეს გარემოება საშუალებას იძლევა ამ ტიპის ბატარეა დავამონტაჟოთ სხვადასხვა პოზიციაში, რაც ჩვეულებრივი აკუმულატორის შემთხვევაში შეუძლებელია.
• AGM აკუმულატორები ბევრად უკეთ უმკლავდებიან სიცივისა და სიცხის უარყოფით გავლენას.
• AGM აკუმულატორები ბევრად უფრო მდგრადია ვიბრაციის მიმართ, რაც მათ იდეალურად აქცევს კატარღების, წყალსატევებისა და მაღალი გამავლობის ავტომობილებისთვის. 

დასკვნის სახით გეტყვით, რომ აკუმულატორი ავტომობილის მთავარი დენის წყაროა და ის პასუხისმგებელია თქვენი და თქვენი თანამგზავრების უსაფრთხო და კომფორტულ მგზავრობაზე. ამიტომაც კარგად შეამოწმეთ, რა ტიპის აკუმულატორი სჭირდება თქვენს ავტომობილს, რადგან თუ არასწორად შეარჩევთ, ამან შესაძლოა რიგი პრობლემები გამოიწვიოს, მაგალითად ვერ ან სრულებით ვერ გააქტიურდეს რომელიმე ელექტროფუნქცია, ან სულაც არ იმოქმედოს Start-Stop სისტემამ, რომლითაც თანამდეროვე მანქანების უმრავლესობაა აღჭურვილი.

სწორედ ამიტომ გვეწვიეთ ამბოლის ნებისმიერ ფილიალში და ჩვენი მაღალკვალიფიციური თანამშრომლები დროულად შეგირჩვენ თქვენი მანქანისთვის შესაბამის აკუმულატორს.

გისურვებთ მშვიდობიან მგზავრობას.

ამბოლი, მეტი დრო მოძრაობისთვის!