წესები და პირობები
- წინამდებარე წესები და პირობები საქართველოს კანონმდებლობის შესაბამისად არეგულირებს შპს „ამბოლ“-ს (შემდგომში „კომპანია/მიმწოდებელი“) და მომხმარებელს შორის ურთიერთობებს, რომელიც წარმოიშობა კომპანიის ვებ-გვერდის საშუალებით პროდუქციის ან/და მომსახურების შეძენის, საგარანტიო პირობების შესრულების ან/და კომპანიის მიერ მომხმარებლისთის განკუთვნილი შეთავაზებების გადაცემის დროს.
- წესებზე და პირობებზე ხელმოწერით, „მომხმარებელი“ ადასტურებს, რომ გაეცნო შეთანხმების პირობებს და გამოხატავს თანხმობას, ‘მომხმარებლის“ მიერ „კომპანიის“ ნებისმიერი სახის საქონლის ან/და მომსახურების შეძენის შემთხვევაში, იმოქმედებს წინამდებარე პირობებით გათვალისწინებული პირობები.
- მომხმარებელი უფლებამოსილია, ნების თავისუფლების საფუძველზე, უარი განაცხადოს წარმოდგენილ წესებსა და პირობებზე, რაც ნიშნავს მომსახურებით სარგებლობაზე უარის თქმას.
- წინამდებარე პირობებზე ხელმოწერით „მომხმარებელი“ აცხადებს თანხმობას, რომ „კომპანიის“ მიერ განხორციელდეს მისი რეგისტრაცია „კომპანიის“ ბიზნეს პროცესების მართვის სისტემის სამომხმარებლო ბაზაში. რეგისტრაცია გულისხმობს ელექტრონულ სისტემაში „მომხმარებლის“ წინამდებარე შეთანხმებაში განსაზღვრული პერსონალური მონაცემების ასახვას.
- პერსონალური ინფორმაცია, რომელსაც კომპანია მომხმარებლისგან ან მესამე პირებისგან მოიპოვებს, მუშავდება წინამდებარე წესებში და კომფიდენციალურობის პოლიტიკაში განსაზღვრული პირობების შესაბამისად.
- წინამდებარე წესებისა და პირობების დაცვით, მომხმარებელი აფორმებს შეკვეთას, ხოლო კომპანია მას გადასცემს შეთანხმებულ პროდუქციას შეთანხმებული საზღაურის სანაცვლოდ.
- მომხმარებელი სისტემაში რეგისტრირდება წინამდებარე პირობების შესაბამისად.
- რეგისტრაციის დასრულებით და შესაბამისი ველების შევსებით დასტურდება, რომ „მომხმარებელი“ გაეცნო და დაეთანხმა წინამდებარე პირობებს და წარმოეშვა მასში გათვალისწინებული უფლებები და მოვალეობები.
- წინამდებარე წესებსა და პირობებზე თანხმობით მომხმარებელი აცხადებს, რომ:
- არის 18 წელს მიღწეული ფიზიკური პირი;
- გააჩნია სრული (შეუზღუდავი) ქმედუნარიანობა, არ იმყოფება ნარკოტიკული, ალკოჰოლური, ფსიქოტროპული ან ტოქსიკური პრეპარატების ზემოქმედების ქვეშ; არ იმყოფება თაღლითობის, ზეწოლის, მუქარის ან ნებისმიერი სხვა მართლსაწინააღმდეგო ზემოქმედების ქვეშ; არ წარმოადგენს ძალადობის, მუქარის, მოტყუების, შეცდომაში შეყვანის ან სხვა აკრძალული ქმედების ობიექტს და სრულად აცნობიერებს საკუთარი ნების გამოხატვის შინაარსს, პირობების დებულებათა არსს და მისგან გამომდინარე სამართლებრივ შედეგებს;
- მომხმარებელს აქვს სრული უფლებამოსილება, ხელი მოაწეროს და შეასრულოს ამ პირობებით ან ნებისმიერი სხვა ხელშეკრულებებით გათვალისწინებული ვალდებულებები;
- მის მიერ წარმოდგენილი ყველა მონაცემი არის ზუსტი და უტყუარი;
- მომხმარებელი არ მონაწილეობს არცერთი იურისდიქციის კანონმდებლობით (რაც მოიცავს საქართველოს კანონმდებლობას და იმ ქვეყნის კანონმდებლობას, რომლის მოქალაქეც არის მომხმარებელი) გათვალისწინებულ რაიმე სახის უკანონო საქმიანობაში, მათ შორის, ფულის გათეთრებაში, იარაღით ვაჭრობაში, ტერორიზმსა და სხვა სახის უკანონო ქმედებაში;
- პირადი ანგარიშის გახსნისას და ხელშეკრულების მოქმედების პერიოდში მისი საქმიანობა ან/და ქმედება შესაბამისობაში არის/იქნება ადგილობრივ ან/და საერთაშორისო კანონმდებლობასთან;
- მისი ქმედება არ არის/იქნება მიმართული კომპანიის ან/და ნებისმიერი მესამე პირის/მხარის მოტყუებისკენ.
- იგი კეთილსინდისიერად, სრულად და ჯეროვნად შეასრულებს ნაკისრ ვალდებულებებს;
- თანახმაა, ეფექტური მომსახურების გაწევისა და შეთავაზების მიზნით, პირადი ანგარიშის გახსნის შემდეგ, ხელშეკრულების შეწყვეტამდე, ალტამ მოიძიოს/გადაამოწმოს და დაამუშავოს მომხმარებლის მიერ მითითებული პერსონალური ინფორმაცია ან მასთან დაკავშირებული ნებისმიერი უნივერსალური იდენტიფიკატორი;
- ვებ-გვერძე რეგისტრაცია
- ვებგვერდზე პირადი ანგარიშის გახსნისა და ონლაინ მომსახურებით სარგებლობისთვის მომხმარებელი ვალდებულია, გაეცნოს მოცემულ წესებსა და პირობებს და დაეთანხმოს მათ;
- მომხმარებელი ვალდებულია, უსაფრთხოდ შეინახოს პირად ანგარიშზე წვდომისთვის საჭირო მონაცემები და არ გადასცეს მესამე პირებს;
- მომხმარებელი იღებს სრულ პასუხისმგებლობას მისი ანგარიშით განხორციელებულ ნებისმიერ ქმედებაზე. კომპანია არ იღებს პასუხისმგებლობას იმ ზიანზე, რომელიც შესაძლოა წარმოიშვას მესამე პირის მიერ, ვებგვერდის ანგარიშზე წვდომის შედეგად.
- იმ შემთხვევაში თუ კლიენტს გააჩნია საფუძვლიანი ეჭვი, რომ მისი პირადი ანგარიშის პაროლი ან უსაფრთხოების სხვა წვდომის კოდ(ებ)ი იქნა მოპარული, დაკარგული, უკანონოდ მითვისებული, უნებართვოდ გამოყენებული ან სხვაგვარად მითვისებული, მომხმარებელი ვალდებულია, დაუყოვნებლივ შეცვალოს პაროლი და დაუკავშირდეს კომპანიის მარებელთა მომსახურების ცენტრს ტელ: 032 215 40 40, ელ. ფოსტაზე: info@amboli.ge.
- მომხმარებელი ვალდებულია, უზრუნველყოს მის პირად ანგარიშზე არსებული ინფორმაციის სიზუსტე და მისი განახლება. კომპანია არ იქნება პასუხისმგებელი მომხმარებლის მიერ აღნიშნული ვალდებულების შეუსრულებლობით გამოწვეულ ზიანზე. კომპანია უფლებამოსილია, ნებისმიერ დროს, მოითხოვოს მომხმარებლისგან ინფორმაციის სისწორის დადასტურება ან დოკუმენტების ან სხვაგვარი მტკიცებულების წარმოდგენა, უარის შემთხვევაში კი გააუქმოს ვებგვერდის ანგარიში;
- შეკვეთის განხორციელება
- მომხმარებლის მიმართვის შემთხვევაში მომხმარებელსა და კომპანიას შორის წარმოიშობა სახელშეკრულებო ურთიერთობა.
- მომხმარებელს უფლება აქვს კომპანიის პროდუქცია ან/და მომსახურება შეიძინოს კომპანიის მიერ შეთავაზებული საშალებებით, კერძოდ:
- კომპანიის სერვის-ცენტრებში მიმართვის გზით,
- მობილური სერვისის მეშვეობით,
- კონპანიის ვერ.გვერდიდან შეკვეთის განხორციელების გზით,
- კომპანიის ქოლ-ცენტრში შეკვეთის განხორციელების გზით.
-
- შეკვეთის განხორციელების შემთხვევაში მომხმარებელი ირჩევს მისთვის სასურველ პროდუქციას და გამოხატავს მისი შესყიდვის ნებას, რასთან დაკავშირებითაც დგება შესაბამისი ინვოისი.საქონლის შეძენის შემთხვევაში „კომპანია“ უფლებამოსილია საქონლის ღირებულების გადახდის დამადასტურებელი დოკუმენტი „მომხმარებელს“ გადასცეს ამობეჭდილი ფორმით ან გაუგზავნოს ელექტრონულად „კომპანიის“ სამომხმარებლო ბაზაში რეგისტრირებულ „მომხმარებლის“ ტელეფონის ნომერზე მოკლე ტექსტური შეტყობინების გაგზავნის გზით. „მომხმარებელი“ უფლებამოსილია საქონლის ღირებულების გადახდის დამადასტურებელი დოკუმენტის ელექტრონული ფორმით წარდგენის სანაცვლოდ, მოითხოვოს აღნიშნული დოკუმენტის ამობეჭდილი ვერსიის გაცემა.
- მომხმარებელი უფლებამოსილია, პროდუქციის შერჩევისას გამოიყენოს ვებგვერდზე მითითებული “პროდუქციის მანქანის VIN კოდის მიხედვით ძებნის ინსტრუმენტი”.
- თუკი მომხმარებელი იძენს პროდუქციას კომპანიაში, მანქანის VIN კოდით ძებნის ინსტრუმენტის გამოყენების საფუძველზე, კომპანია არ არის პასუხისმგებელი იმაზე, თუ რამდენად მოერგება შეძენილი პროდუქცია იმ ავტომობილს, რომლისთვისაც იგი დაუკვეთა მომხმარებელმა, რადგან ამ სახის ინფორმაცია მუშავდება მწარმოებლის მიერ და ხდება მონაცემების მხოლოდ სინქრონიზაცია მიმწოდებლის ვებ-გვერდზე.
- გადახდა
- პროდუქციის შესყიდვაზე ნების გამოხატვის შემდეგ მომხმარებელი იხდის პროდუქციის შესაბამის საფასურს.
- თუ მომხმარებელი გამოხატავს სურვილს საკურიერო სერვისით სარგებლობის, პროდუქციის საფასურს დაემატება მიწოდების საფასური, რომელიც განისაზღვრება ცალკეული პროდუქციის ტიპითა და მომხმარებლის მიერ მითითებული მისამართის გათვალისწინებით.
- ანგარიშსწორება ხორციელდება, მომხმარებლის მიერ პროდუქციის შეკვეთისას მის მიერ შერჩეული ერთ-ერთი მეთოდით:
- ონლაინ, უნაღდო ანგარიშსწორებით, ერთიანი გადახდით, რომელიც ხორციელდება ვებგვერდის მეშვეობით (უნაღდო ანგარიშსწორების ვალდებულება შესრულებულად ითვლება მიმწოდებლის საბანკო ანგარიშზე თანხის აღრიცხვის მომენტიდან).
- ონლაინ უნაღდო ანგარიშსწორებით, განვადებით გადახდით.
- ნაღდი ანგარიშსწორების გზით, პროდუქციის გადაცემისთანავე.
- საქონლის მიწოდება
- მომხმარებლის მიერ შეკვეთის გაფორმებისა და ღირებულების გადახდის შემდეგ, კომპანია ვალდებულია, გადასცეს მომხმარებელს შეთანხმებული პროდუქცია;
- მომხმარებელი შეკვეთის გაფორმებისას ირჩევს შეკვეთის მიწოდების მეთოდებიდან ერთ-ერთს და აფიქსირებს მას ვებგვერდზე (სატელეფონო შესყიდვის შემთხვევაში - ზარის განხორციელებისას). მომხმარებელს შეუძლია აირჩიოს შემდეგი მეთოდები:
- მომხმარებლის მიერ საკუთარი ხარჯებით პროდუქციის გატანა ნივთის გაცემის პუნქტიდან;
- მიწოდება მომხმარებლის მიერ განსაზღვრულ მისამართზე. ასეთ შემთხვევაში მომხმარებელი ვალდებულია, მიუთითოს მისამართი სათანადო გრაფაში;
- თუმომხმარებელიაირჩევს პროდუქციისთავად გატანის ფუქნციას იგივალდებულიაგაიტანოსპროდუქციაშეკვეთისგაფორმებიდან/კომპანიის მიერ დადასტურებიდან 5 (ხუთი) დღისვადაში.თუმომხმარებელიდაარღვევსპროდუქციისგატანისხუთდღიანვადას, მასერთმევანივთისგადაცემისმოთხოვნისუფლებადაგადახდილითანხიდანუბრუნდებამხოლოდ თანხის ნაწილი, კომპანიის მიერ პროდუქციის გადაადგილება/დასაწყობებისთვის გაწეული ხარჯების გამოკლებით, რომელიც იქნება შეძენილი პროდუქციის ღირებულების არაუმტეს 20%.
-
- თუ მომხმარებელი აირჩევს, რომ პროდუქცია მას მიეწოდოს მომხმარებლის მიერ მითითებულ მისამართზე, კომპანია საკურიერო მომსახურების გამოყენებით,საქართველოს მასშტაბით, მომხმარებლის მიერ მითითებულ მისამართზე მიაწვდის შეკვეთილ პროდუქციას, მომხმარებლის მიერ შეკვეთის განხორციელებიდან არაუგვიანეს 3-7 (სამი-შვიდი) სამუშაო დღის ვადაში.
- მიწოდებისდროსთანდაკავშირებით, მომხმარებელსწინასწარუკავშირდებაკურიერიდაუთანხმდებამიტანისდროზესატელეფონოსაუბრისგზით. იმშემთხვევაში, თუკიშეთანხმებულდროსმომხმარებელიმიმწოდებლისკურიერსარდახვდებამითითებულმისამართზე, მომხმარებელი ჩაბარების მცდელობის ყოველი მომდევნო ანალოგიური შემთხვევისას, რის შესახებაც წინასწარ ეცნობება მომხმარებელს, დამატებით აანაზღაურებს საკურიერო მომსახურების საფასურს.
- თუ მომხმარებელისათვის პროდუქციის გადაცემის 3 (სამი) მცდელობა უშედეგოდ დასრულდება, მაშინ მომხმარებელი ვალდებულია, გაიტანოს ნივთი თავისი ხარჯით ნივთის გაცემის პუნქტიდან 2 (ორი) დღის ვადაში იმ დღიდან, როცა მიმწოდებელი შეატყობინებს კლიენტს მიწოდების მე-3 უშედეგო მცდელობის შესახებ და ამასთანავე, გადაიხადოს უშედეგო მიტანის საფასური.
- თუ მომხმარებელი არ შეასრულებს აღნიშნულ ვალდებულებას, ნივთის მიწოდების შეუძლებლობის შემთხვევაში კომპანიას უფლება აქვს გააუქმოს შეკვეთა და მომხმარებელს დაუბრუნდება მის მიერ გადახდილი თანხა უშედეგოდ განხორციელებული მიტანის საფასურის გამოკლებით.
- თუ მომხმარებელს არ აქვს წინასწარ გადახდილი ნივთის საფასური, მაშინ კომპანია უფლებამოსილია, მოსთხოვოს მას ზემოაღნიშნული თანხების ტრანსპორტირების ხარჯი) გადახდა.
- მომხმარებელი პასუხისმგებელია მის მიერ სწორი მისამართის მითითებაზე. თუ მომხმარებელი მიუთითებს არასწორ მისამართს და, შესაბამისად, კურიერი მიწოდებას განახორციელებს არასწორ მისამართზე, მომხმარებელს დაეკისრება, როგორც მითითებულ მისამართზე, ასევე სწორ მისამართზე მიტანის ხარჯების გადახდის ვალდებულება.
- შეკვეთა დასრულებულად ითვლება ნივთის მომხმარებლისთვის ჩაბარებისთანავე.
- მომხმარებელი ვალდებულია, შეკვეთის მიღებისას მოახდინოს მიწოდებული პროდუქციის შემოწმება და ვიზუალური ნაკლის არსებობის შემთხვევაში დაუყოვნებლივ დააფიქსიროს პრეტენზია მიმწოდებელთან.
- იმ შემთხვევაში, თუკი მიწოდებული პროდუქცია განსხვავდება მომხმარებლის მიერ შეკვეთილი პროდუქციისაგან კომპანიის ბრალით, კომპანია ვალდებულია საკუთარი ხარჯით მიაწოდოს მომხმარებელს შეკვეთილი პროდუქცია და აანაზღაუროს მიწოდების ხარჯი.
- იმ შემთხვევაში, თუკი მიწოდებული პროდუქცია არ შეესაბამება მომხმარებლის სურვილს მომხმარებლის ბრალით (მაგალითად, მომხმარებლის შეცდომის შემთხვევაში), მომხმარებელი ვალდებულია დამატებით გადაიხადოს განმეორებითი ტრანსპორტირების ღირებულება. გადასახდელი თანხა ასევე შეიცვლება იმ პროდუქციის ღირებულებათა სხვაობის მიხედვით, რომელიც მომხმარებელმა შეუკვეთ და რომლის შეკვეთაც მომხმარებელს სურდა.
- მოვაჭრე ვალდებულია მოთხოვნის შემთხვევაში გადასცეს დამკვეთს შეკვეთასთან დაკავშირებული ყველა საბუთი.
- მომსახურების გაწევა
- მომხმარებლის მიერ კომპანიისთის მიმართვის შემთხვევაში, მხარეთა შორის წარმოიშობა სახელშეკრულებო ურთიერთობა, რომლის შესაბამისად კომპანია იღებს მომსახურების გაწევის ვალდებულებას.
- „კომპანია“ მომსახურებას უწევს მომხხმარებელს, „კომპანიის“ საკუთრებაში არსებული საქონლით (რომელსაც „მომხმარებელი“ შეიძენს) ან მხარეთა შეთანხმებით მომხმარებლის მიერ მოწოდებული საქონლით.
- მომსახურების გაწევის შემდეგ „მომხმარებელი“ ვალდებულია დაუყოვნებლივ უზრუნველყოს სატრანსპორტო საშუალების გაყვანა „კომპანიის“ ტერიტორიიდან.
- „მომხმარებელი“ ვალდებულია მომსახურების გაწევის შემდეგ ან/და მომსახურების ღირებულების ანაზღაურებისთანავე უზრუნველყოს მისი კუთვნილი, გამოცვლილი სათადარიგო ნაწილების გატანა „კომპანიის“ ტერიტორიიდან, ხოლო „მომხმარებლის“ მიერ აღნიშნული ვალდებულების შეუსრულებლობისას, „კომპანია“ უფლებამოსილია საკუთარი შეხედულებისამებრ განკარგოს გამოცვლილი სათადარიგო ნაწილები.
- კომერციული გარანტია იურიდიული პირებისთვის
- ვებ-გვერდზე განთავსებული პროდუქციის შეძენის შემთხვევაში მომხმარებელი მხოლოდ იმ შემთხვევაში ისარგებლებს საგარანტიო პირობებით, თუ იგი 1 (ერთი) თვის ვადაში, მიაკითხავს ამბოლის სერვის ცენტრს და გაივლის შესაბამის პროცედურებს, გარანტიის პირობების დასაკმაყოფილებლად.
- მომხმარებლის მიერ საქონლის ან/და მომსახურების შეძენის შემთხვევაში, საგარანტიო პირობები განთავსებულია ვებ-გვერდზე https://amboli.ge/warranty/
- კანონისმიერი გარანტია
- გარანტია ვრცელდება მხოლოდ კომპანიაში შეძენილ საქონელზე,
- თუ საქონელი ნაკლის მქონე აღმოჩნდა, მომხმარებელს უფლება აქვს, მოვაჭრეს მოსთხოვოს ნაკლის აღმოფხვრა (საქონლის უსასყიდლოდ შეკეთება ან შეცვლა, ფასის შემცირება) ან გავიდეს ხელშეკრულებიდან.
- საქონლის შეკეთება და შეცვლა მომხმარებლის პირველი რიგის უფლებებია. მომხმარებელს უფლება აქვს, მოვაჭრეს მოსთხოვოს საქონლის უსასყიდლოდ შეკეთება ან შეცვლა, გარდა იმ შემთხვევისა, როდესაც ეს, საქონლის ბუნებიდან გამომდინარე, შეუძლებელია ან არათანაზომიერ ან შეუსაბამოდ დიდ ხარჯს მოითხოვს.
- საქონელი შეკეთებული ან შეცვლილი უნდა იქნეს გონივრულ ვადაში (შეცვლა - ნაკლის აღმოჩენიდან არაუგვიანეს 10 კალენდარული დღის ვადაში, ხოლო სტანდარტული შეკეთება - ნაკლის აღმოჩენიდან არაუგვიანეს 30 კალენდარული დღის ვადაში), ისე, რომ მომხმარებელს არ შეექმნას მნიშვნელოვანი შეფერხება საქონლის ბუნებისა და იმ მიზნის გათვალისწინებით, რომლისთვისაც მან ეს საქონელი შეიძინა.
- საქონლის უსასყიდლოდ შეკეთება ან შეცვლა გულისხმობს მოვაჭრის მიერ ყველა ხარჯის (მათ შორის, ფოსტის, სამუშაო ძალისა და მასალების ხარჯების) გაწევას, რომლებიც საჭიროა საქონლის ხელშეკრულებით გათვალისწინებულ პირობებთან შესაბამისობის უზრუნველსაყოფად.
- მომხმარებელს უფლება აქვს, მოითხოვოს საქონლის ფასის შემცირება ან უარი თქვას ხელშეკრულებაზე, თუ არსებობს ერთ-ერთი შემდეგი პირობა:
- ა) საქონლის შეკეთება ან შეცვლა შეუძლებელია;
- ბ) მოვაჭრემ საქონელი გონივრულ ვადაში არ შეაკეთა ან არ შეცვალა და მომხმარებელმა ხელშეკრულების შესრულებისადმი ინტერესი დაკარგა;
- გ) მოვაჭრის მიერ საქონლის შეკეთება ან შეცვლა მომხმარებელს მნიშვნელოვან შეფერხებას შეუქმნის.
-
- მომხმარებელს უფლება აქვს, ისარგებლოს ზემოხსენებული უფლებებით, თუ საქონლის ნაკლი საქონლის მისთვის გადაცემიდან 2 წლის განმავლობაში აღმოჩნდა.
- თუ მომხმარებელმა საქონლის ნაკლი საქონლის მფლობელობაში მიღებიდან 6 თვის განმავლობაში აღმოაჩინა, საწინააღმდეგოს დამტკიცებამდე იგულისხმება, რომ ნაკლი არსებობდა საქონლის მიწოდებისას, თუ, საქონლის ბუნებიდან ან ნაკლის ხასიათიდან გამომდინარე, ეს შესაძლებელია. ამ შემთხვევაში მტკიცების ტვირთი მოვაჭრეს ეკისრება. თუ მომხმარებელმა საქონლის ნაკლი საქონლის მფლობელობაში მიღებიდან 6 თვის შემდეგ აღმოაჩინა, იმის მტკიცების ტვირთი, რომ ნაკლი არსებობდა საქონლის მიწოდებისას, მომხმარებელს ეკისრება.
- კომპანია ვალდებულია, მომხმარებლის მხრიდან ნაკლის თაობაზე შეტყობინების მიღებიდან 5 (ხუთი) დღის ვადაში შეამოწმობს პროდუქცია და თუ იგი აღმოჩნდება ნაკლიანი, ნაკლის აღმოჩენიდან 5 (ხუთი) დღის ვადაში ნაკლის ხასიათის, გასაწევი ხარჯების ოდენობის, ასევე მომხმარებლის სურვილის გათვალისწინებით გამოასწოროს ნაკლი ან შეცვალოს იგი იმავე სახის პროდუქციით, ან შეამციროს ფასი ნაკლის პროპორციულად. ნაკლის გამოსწორებასთან დაკავშირებული მიწოდების დამატებითი ხარჯები ეკისრება კომპანიას;
- თუ ნაკლის გამოსწორება, ნივთის ჩანაცვლება ან თანხის შემცირება არის შეუძლებელი ან თუკი ეს მოითხოვს შეუსაბამოდ დიდ ხარჯებს., კომპანია უფლებამოსილი უარი თქვას ნაკლიანი ნივთის ნაკლის გამოსწორებაზე ან შეცვლაზე. ასეთ შემთხვევაში, კომპანია მომხმარებელს დაუბრუნებს ნაკლოვანი პროდუქციის ღირებულებას და მომხმარებლის მიერ გადახდილ ტრანსპორტირების ხარჯებს (ასეთის არსებობის შემთხვევაში) და დაიბრუნებს ნაკლოვან ნივთს.
- მომხმარებელს არ აქვს უფლება, უარი თქვას ხელშეკრულებაზე, თუ საქონლის ნაკლი უმნიშვნელოა.
- პერსონალური მონაცემები
- წინამდებარე პირობების შესაბამისად მომხმარებელი აცხადებს თანხმობას, რომ მისი პერსონალური ინფორმაცია მიიღოს და კანონის შესაბამისად დაამუშავოს კომპანიამ, თავის მხრივ კომპანია იღებს ვალდებულებას უზრუნველყოფს კომპეტენციის ფარგლებში და მოქმედი კანონმდებლობის საფუძველზე „მომხმარებლის“ პერსონალური მონაცემების დაცვა.
- მონაცემები კომპანია დაამუშავებს კანონიერად, სამართლიანად, მონაცემთა სუბიექტისთვის გამჭვირვალედ და მისი ღირსების შეულახავად;
- მონაცემები შეგროვდეს/მოპოვებული იქნება მხოლოდ კონკრეტული, მკაფიოდ განსაზღვრული და ლეგიტიმური მიზნებისთვის;
- მონაცემები დამუშავდება მხოლოდ იმ მოცულობით, რომელიც აუცილებელია შესაბამისი ლეგიტიმური მიზნის მისაღწევად და იქნება მ იმ მიზნის თანაზომიერი, რომლის მისაღწევადაც ისინი მუშავდება;
- კომპანიის მიერ შემუშავებულ პერსონალურ მონაცემთა დაცვის შესახებ პოლიტიკას შეგიძლიათ გაეცნოთ:
- კონფიდენციალურობა
- წინამდებარე პირობების გათალისწინებით მხარისათვის გამჟღავნებული ნებისმიერი ინფორმაცია წარმოადგენს კოვფიდენციალურ ინფორმაციას.
- მომხმარებლის მიერ განხორციელებული ნებისმიერი შეკვეთა და მასთან დაკავშირებული ინფორმაცია ითვლება კონფიდენციალურად.
- კომპანიის ვებგვერდზე ვიზიტის დროს ვალდებული ხართ გაეცნოთ ჩვენს კონფიდენციალურობის პოლიტიკას. შესაძლებელია წინამდებარე კონფიდენციალურობის პოლიტიკაში განხორციელდეს ცვლილებები და დამატებები, შესაბამისად კომპანია მოგიწოდებთ, რომ პერიოდულად გადაამოწმოთ კონფიდენციალურობის პოლიტიკა.
- კომპანიისთვის მნიშვნელოვანია მომხმარებლის მიერ მიწოდებული კონფიდენციალური ხასიათის ინფორმაციის დაცვა. მომხმარებლის პირადი პროფილი ხელმისაწვდომია მხოლოდ მის მიერ შერჩეული მომხმარებლის სახელისა და პაროლის საშუალებით. კომპანია გთხოვთ, აღნიშნული ინფორმაცია არ გაანდოთ მესამე პირებს. წინააღმდეგ შემთხვევაში კომპანია იხსნის სრულ პასუხისმგებლობას.
- კომპანია იხსნის ყოველგვარ პასუხისმგებლობას სხვა ვებგვერდებთან მიმართებით, რომლებიც შესაძლებელია გარე ბმულის სახით განთავსებული იყოს კომპანიის ვებგვერდზე. სხვა ვებგვერდის კონფიდენციალურობის პოლიტიკა შესაძლოა განსხვავდებოდეს წინამდებარე პოლიტიკისგან. შესაბამისად, კომპანია მოგიწოდებთ გაეცნოთ გარე ბმულის სახით მითითებული ვებგვერდის გამოყენების პირობებსა და კონფიდენციალურობის პოლიტიკას.
- საავტორო უფლებები
- ვებგვერდზე განთავსებულ ნებისმიერ მასალაზე, მათ შორის ვიზუალურ თუ აუდიო მასალაზე, ფოტოზე, ვიდეოზე და ა.შ. საავტორო უფლებები ეკუთვნის მიმწოდებელს. მომხმარებელი არ არის უფლებამოსილი გამოიყენოს, გაავრცელოს, ან ისარგებლოს მითითებული მასალით მიმწოდებლის წინასწარი წერილობითი თანხმობის გარეშე, ან სხვა რაიმე ფორმით დაარღვიოს მიმწოდებლის საავტორო უფლებები.
- მხარეთა პასუხისმგებლობა და პასუხისმგებლობისგან გათავისუფლება
- მხარეებს ეკისრებათ პასუხისმგებლობა ნაკისრი ვალდებულებების შეუსრულებლობის ან არაჯეროვნად შესრულებისათვის ამ წესებისა და პირობების და მოქმედი კანონმდებლობის შესაბამისად.
- მხარეები თავისუფლდებიან პასუხისმგებლობისგან, თუ მათი მხრიდან ვალდებულების დარღვევა გამოწვეული არის დაუძლეველი ძალის მოქმედებით (ფორს-მაჟორი) ან ისეთი გარემოებით, რომლის გათვალისწინება და აღკვეთა მხარეების ძალებს აღემატებოდა;
- კომუნიკაცია
- წინამდებარე პირობებთან დაკავშირებული ნებისმიერი შეტყობინება ან სხვა კომუნიკაცია უნდა წარიმართოს წერილობით მომხმარებლის ანგარიშში მითითებულ საკომუნიკაციო საშუალებებზე შეტყობინების გაგზავნის გზით.
- მომხმარებელი ასევე ადასტურებს, რომ მასთან კომუნიკაცია განხორციელდეს მოკლე ტექსტური შეტყობინების, ელექტრონული ფოსტის, სატელეფონო ზარის, მატერიალური ფორმით შეტყობინების გაგზავნის მეშვეობით ან ნებისმიერი სხვა ფორმით, თუ იგი იძლევა საშუალებას ადრესატის მიერ შეტყობინების მიღების დამტკიცებისა.
- დასკვნითი დებულებები
- წინამდებარე პირობების რომელიმე მუხლის ბათილად ცნობა ზეგავლენას არ ახდენს დანარჩენი მუხლების ნამდვილობაზე.
- ნებისმიერი საკითხი, რომელიც განსაზღვრული არ არის წყდება საქართველოს კანონმდებლობის შესაბამისად,
- პირობები ძალაში შედის მისი ხელმოწერის ან ელექტრონული გზით მისი დადასტურების დღიდან და მოქმედებს განუსაზღვრელი ვადით.
- „კომპანია“ უფლებამოსილია ნებისმიერ დროს საკუთარი შეხედულებისამებრ შეიტანოს ცვლილება წინამდებარე წესებსა და პირობებში და განახლებული ინფორმაცია განათავსოს თავის. ვებ-გვერდზე, რის შესახებაც ეცნობება მომხმარებლებს.
- „კომპანია“ არ არის პასუხისმგებელი „მომხმარებლის“ მიერ „კომპანიის“ ტერიტორიაზე (სარემონტო ზონა, შოურუმი, სერვისი, ღია ცის ქვეშ ტერიტორია და სხვა) დატოვებულ ნივთებზე, მათ შორის სატრანსპორტო საშუალებაში დატოვებულ/დარჩენილ ნივთებზეც. მომხმარებელი ვალდებულია თავად უზრუნველყოს საკუთარი ნივთების უსაფრთხოება
- „კომპანია“ მომხმარებლისათვის მომსახურების გაწევამდე ან/და მომსახურების გაწევის შემდეგ, იხსნის პასუხისმგებლობას მის ტერიტორიაზე (სარემონტო ზონა, შოურუმი, სერვისი, ღია ცის ქვეშ ტერიტორია და სხვა) გაჩერებული სატრანსპორტო საშუალების უსაფრთხოებაზე და მისთვის მიყენებულ ნებისმიერი სახის ზიანზე/ზარალზე, მათ შორის, იმ შემთხვევაში, თუ სატრანსპორტო საშუალებას ზიანი მიადგება ბუნებრივი მოვლენების/ფორსმაჟორული გარემოებების დადგომის შედეგად, როგორიც არის: სეტყვა, წყალდიდობა, მიწისძვრა, ხანძარი და ა.შ.
- სასაჩუქრე ვაუჩერის გამოყენების წესები
- სასაჩუქრე ვაუჩერს გააჩნია გამოყენების ვადა, რომელიც დატანილია დაბეჭდილ ვაუჩერზე. სტანდარტულად ვაუჩერის გამოყენების ვადა არის 1 წელი. გამოყენების ვადის ათვლა იწყება მომხმარებლის მიერ ვაუჩერის შეძენის დღიდან. ვაუჩერის შეძენის თარიღი ვაუჩერზე დაიტანება მისი რეალიზაციის მომენტში.
- ვაუჩერის ვადის ამოწურვის შემდეგ დაუშვებელია მისი გამოყენება.
- ვაუჩერის გამოყენება შესაძლებელია როგორც პროდუქტის ყიდვისას, ასევე სერვისის მიღებისას.
- ვაუჩერის გამოყენება შესაძლებელია ფასდაკლებულ პროდუქციაზე ან/და სერვისზე.
- ვაუჩერის გამოყენებისას შესაძლებელია თანხის დამატება.
- ვაუჩერის გამოყენება დასაშვებია რამდენჯერმე, თანხის სრულად გახარჯვამდე ან ვადის ამოწურვამდე. პროგრამულად შესაძლებელია აისახოს რამდენი თანხა გამოიყენა ვაუჩერიდან მომხარებელმა და რა ნაწილი დარჩა. აუცილებელია, რეალიზაციისას მომხმარებელს ეცნობოს დარჩენილი თანხის თაობაზე.
- ვაუჩერი შესაძლებელია გაიყიდოს მომხარებელზე ფიზიკურად კომპანიის სერვის ცენტრიდან ან კომპანიის ვებ-გვერდიდან, ან გაჩუქდეს საჭიროების შემთხვევაში:
- ვაუჩერის ყიდვა შეუძლია როგორც საცალო კლიენტს, ასევე იურიდიულ პირს კერძო პირებისთვის სასაჩუქრე მიზნით გადასაცემად.
- ვაუჩერის განაღდება შესაძლებელია მხოლოდ საცალო გაყიდვით, ვაუჩერი არ გამოიყენება/გაიხარჯება იურიდიულ პირზე.
-
- განაღდების მომენტში, ვაუჩერით სარგებლობა შეუძლია მხოლოდ 1 პირს, ვაუჩერის ჯერ ერთ პირზე და დარჩენილი თანხის სხვა პირზე გამოყენება დაუშვებელია.
- ვაუჩერის განაღდებისას აუცილებლია, ვაუჩერისა და პირადობის დამადასტურებელი დოკუმენტის წარდგენა. ამასთან, დაკარგული ვაუჩერები არ ექვემდებარება აღდგენას.
- ვადიანი ვაუჩერით რეალიზებული საქონელი არ ექვემდებარება დაბრუნებას, შესაძლებელია მხოლოდ წუნდებული პროდუქციის ჩანაცვლება ახლით ან სხვა საქონელში გადაცვლა.
მოვაჭრის დასახელება: შპს „ამბოლი“
საიდენტიფიკაციო კოდი: 216402701
იურიდიული მისამართი: ქ. თბილისი, აკაკი ბელიაშვილის ქუჩა N142
ფაქტობრივი მისამართი: ქ.თბილისი, ანა პოლიტკოვსკაიას ქ. N14
ელ-ფოსტა: info@amboli.ge
ტელეფონის ნომერი: 032 215 40 40
რეალიზებული ვაუჩერები უკან არ ბრუნდება.