დღევანდელ რეალობაში სხვადასხვა პროდუქტზე ფასები დღითი-დღე მატულობს. ერთ-ერთი ასეთი სწორედ საწვავია. მისი ღირებულება ყოველდღიურად მაღალ ნიშნულს უტოლდება და ავტომობილის მფლობელებში ეს საკითხი მუდმივ მღელვარებას იწვევს. ასეთ დროს ყველა ცდილობს ისეთი მანქანის შერჩევას, რომელიც ნაკლებ საწვავს მოიხმარს, Toyota Prius კი ამის კარგი მაგალითია და საკმაო პოპულარობითაც სარგებლობს არამარტო ჩვენს ქვეყანაში, არამედ მსოფლიო მასშტაბითაც.

მის ხარისხზე და გამძლეობაზე რომ აღარაფერი ვთქვათ, მან დროს გაუძლო და მისი ყველა თაობის წარმომადგენელი შესანიშნავად ართმევს თავს ნაკისრ ვალდებულებას და ამავე დროს პრაქტიკულიცაა. ამიტომაც ის მუდმივად იმსახურებს მაღალ შეფასებას საზოგადოებს დიდი ნაწილში.

ამ ბლოგში კი გვინდა გესაუბროთ 7 საინტერესო ფაქტზე მისი შესახებ.

სახელწოდება

Prius ეს არის ერთი შეხედვით ჩვეულებრივი სახელწოდება, რომელიც ყოველდღიურად გვესმის. მაგრამ ცოტამ თუ იცის, რომ ეს ლათინური დასახელება რეალურად ,,დროზე ადრე“-ს ნიშნავს. ალბათ, როდესაც ის თავის ისტორიას იწყებდა, 1997 წელს უკეთესი და შესაფერისი სახელი არც არსებობდა.

მასობრივი წარმოების ჰიბრიდული ავტომობილი

90-იანი წლების დასაწყისში და მის ბოლოსაც, ბევრმა ავტომწარმოებელმა შეიმუშავა ჰიბრიდული ავტომობილები, თუმცა ცოტამ თუ შეცძლო მისი მასიური წარმოება. Toyota Prius კი იმ დროისათვის იყო ერთ-ერთი პირველი ბენზინ-ელექტრო ავტომობილი, რომელიც მასიურად ჩაეშვა წარმოებაში.

6 მილიონი ავტომობილი 4 თაობის განმავლობაში

პირველი თაობა, როგორც ზემოთ ავღნიშნეთ, 1997 წელს გამოვიდა, მას მოჰყვა მეორე თაობა 2003 წელს, შემდეგ კი 2009 და 2016. ამ ხნის მანძილზე მარტო ამ 4 თაობაში დაახლოებით 6 მილიონი ერთეული იქნა წარმოებული, რომ აღარაფერი ვთქვათ უახლეს მოდელზე.

პოპულარობა

Toyota Prius ის იყიდება მსოფლიოს 70-ზე მეტ ქვეყანაში, ეს ფაქტი კი ნათლად მიუთითებს იმაზე, რომ ეს ავტომობილი ნამდვილად არის პოპულარული ჰიბრიდული მანქანა.

ყველაზე ეკონომიური

ჰიბრიდული ავტომობილები საწვავის ხარჯის შესამცირებლად გამოიგონეს. Prius-მა კი შესანიშნავად შესასრულა ეს ამოცანა და უპირობოდ დაიმსახურა, ყველაზე ეკონომიური ბენზინის ავტომობილის სტატუსი ამერიკაში.

შესანიშნავი ბატარეები

აღნიშნულ მოდელს გააჩნია შესანიშნავი და ეფექტური ბატარეები. მაგალითისთვის შეგვიძლია ავიღოთ მეორე თაობა, რომელიც მუშაობს Panasonic-ის დახურული მოდულის მქონე ჰიბრიდულ ბატარეებზე. მისი მთავარი უპირატესობაა ის, რომ იტენება 40%-დან 60%-მდე. ეს კარგი მაჩვენებელია, რადგან 100%-იანი დამუხტვა საზიანოა ბატარეის ხანგრძლივი ფუნქციონირებისთვის.

გარანტია

Toyota არის ბრენდი, რომელიც ცნობილია მომხმარებელთა სიმრავლითა და გაყიდვების შემდგომი მომსახურებით. იგივე ეხება Toyota Prius-ც, რადგან კომპანია მისი ბატარეების პაკეტებზე დაახლოები 150000 მილის გარანტიას იძლევა. ( აღნიშნული მანჩვენებელი შესაძლოა განსხვავდებოდეს სხვადასხვა ქვეყნისთვის).

გისურვებთ მშვიდობიან მგზავრობას.

ამბოლი, მეტი დრო მოძრაობისთვის!