გასაკვირი არ იქნება თუ გეტყვით, რომ ცნობილი ადამიანები, ხშირ შემთხვევაში, იშვიათი და გამორჩეული ავტომობილებით გადაადგილდებიან. ზოგიერთი მათგანის დეტალები, თუ ვიზუალი სწორედ მათი გემოვნებითა და შეხედულებებით მზადდება. არის შემთხვევები, როდესაც ამ ავტომობილების გამოჩენა მფლობელზე მეტ ყურადღებას იწვევს საზოგადოებაში. მაგალითისთვის შეგვიძლია დავასახელოთ, Lady Gaga’s First Generation Ford F-150 Lightning, Sade’s Mazda RX-8 ან თუნდაც Tom Morello’s ’71 Dodge Demon 340.

დღევანდელ ბლოგშიც სწორედ ასეთ ავტომობილზე გვინდა გესაუბროთ, რომელიც თავის დროზე Heart-ის წამყვან მომღერალს Ann Wilson-ს ეკუთვნოდა და სპეციალურად მისთვის მხოლოდ ერთ ეგზემპლარად დამზადდა. ეს მანქანა გამორჩეული ვიზუალისა და ტექნიკური მონაცემების, 1989 წლის BMW E30 325i-ის კაბრიოლეტია. აღსანიშნავია, რომ სულ ახლახანს ეს მანქანა Bring A Trailer-ის ავტო აუქციონზე გასაყიდად გამოჩნდა.

მანქანას გამორჩეულობასა და მიმზიდველობას, პირველ რიგში, მისი გარე ვიზუალი სძენს. მას აქვს ფართო და გაბერილი ექსტერიერის დეტალები, განსაკუთრებით უკანა მხარეს, რომელსაც სპეციალურად ამ ავტომობილისთვის დამზადებული დიდი ზომის სპოილერი ამშვენებს. ავტომობილზე სპეციალურად გამოყენებულია Hartage-ს დაკიდების სისტემა, ხოლო უკანა მხარეს კი Bilstein-ის ამორტიზატორები.

ამბობენ, რომ ძარის ნაკრები და კოსმეტიკური ცვლილებები, ნიუ-ჯერსიში, კომპანია Flossman Auto Design-მა შექმნა. ინტერიერს რაც შეეხება, მას დიდი ცვლილებები არ შეხებია, თუმცა მისი დეტალები მაღალი ხარისხის ტყავის, ღია და შავი ფერის იდეალური კომბინაციით გამოირჩევა.

კაპოტქვეშ განთავსებულია Dinan-ის IHI-ის ტურბო სისტემა, რომლის მეშვეობითაც ავტომობილის ძრავი სტანდარტულ სიმძლავრეზე 100 ცხენის ძალით მეტს გამოიმუშავებს და დაახლოებით 275-ს აღწევს. ეს ძალა ავტომობილის უკანა საბურავებს სტანდარტული 5 სიჩქარიანი მექანიკური გადაცემათა კოლოფით უკავშირდება.

მანქანის ოდომეტრი სულ რაღაც 12000 მილს აჩვენებს, რაც ნამდვილად შეესაბამება როკ-მუსიკის მომღერლის გადატვირთულ განრიგს, რაც იმას ნიშნავს, რომ მას მხოლოდ თავისუფალ დროს ჰქონდა შესაძლებლობა მისი შესანიშნავი E30-ით გაესეირნა.

ავტომობილის თავდაპირველი ღირებულება, 1990 წლის იანვარში, როდესაც მისი აწყობა დასრულდა, 69 890 დოლარი იყო, რაც დღევანდელ 170 000 დოლარს უტოლდება.

აუქციონზე ავტომობილთან ერთად გამოტანილია Heart-ის სხვადასხვა სამახსოვრო ნივთებიც. ეს მანქანა კი ნამდვილად არის rock ’n roll-ის ისტორიის უჩვეულო და იშვიათი ნაწილი.

გისურვებთ მშვიდობიან მგზავრობას.

ამბოლი, მეტი დრო მოძრაობისთვის!