ეს არის ავტომობილი, რომელიც დამახასიათებელი სტილითა და მიმზიდველობით გამოირჩევა. 60-იანი წლებში მრავალი "კუნთმაგარი" ავტომობილი წარმოიშვა, თუმცა DODGE CHARGER მათ შორის ყველაზე დასამახსოვრებელია. მომდევნო ათწლეულებში ის გახდა ნამდვილი კულტი საზოგადოების თვალში, ეს იყო სანახაობისა და დემონსტრირების იდეალური ნაზავი. სწორედ ამის გამო ის მრავალ ფილმსა თუ სერიალში გადაიღეს, თუმცა ყველას ალბათ ერთ-ერთი მათგანი გვახსენდება,  ეს იყო Fast & Furious-ის პირველი ნაწილი, სადაც ფინალურ მომენტში ცხვირაწეული ეჯიბრება იაპონურ სიამაყეს, SUPRA-ს.

შესაბამისად ლოგიკურიცაა, რომ ბოლო წლებში მისი ფასი გაიზარდა და ის ერთ-ერთ საკოლექციო მოდელს წარმოადგენს. დღევანდელ ბლოგშიც სწორედ 69 წლის მოდელზე გვინდა გესაუბროთ (მეორე თაობა 1968-1970 წლები) და განვიხილოთ ყველა ის მახასიათებელი თუ ოფცია, რომელიც მას ასე მიმზიდველს ხდის და ფაქტია, რომ ეს მოდელი დროს უძლებს და დღემდე რჩება ავტომოყვარულთა საყვარელ ქმნილებად.

ძირითადი ცვლილებები, რაც მის ვიზუალს შეეხო, იყო: ახალი ჰორიზონტალური უკანა ფარები, წინა ცხაურის ცენტრალური გამყოფი, განახლებული Bumble-Bee ზოლები R/T აღნიშვნითა და სურვილისამებრ ლუქით (სულ 260 ერთეულზე).

60-იან წლებში Dodge სჭირდებოდა ავტომობილი, რომლითაც შეეჯიბრებოდა სხვა კუნთმაგარ ავტომობილებს იმდროინდელ ბაზარზე. ამის საპასუხოდ მან 1968 წელს Charger-ის მეორე თაობა გამოუშვა. მას ქონდა ახალი კაპოტისა და საბარგულის ზოლები, ინოვაციური და მიმზიდველი კოკა-კოლის ბოთლის გვერდითა პროფილი და დახრილი კარი. ეს ყველაფერი უცვლელი დარჩა 1969 წლისთვისაც, გარდა მცირე, მაგრამ მნიშვნელოვანი განახლებებისა. ამ წლოვანებაში უკვე ვხვდებოდით SE კომპლექტაციას, რომელიც მოიცავდა:

• ელექტრო საჭეს
• ელექტო ფანჯრებს
• ელექტრო სავარძლებს
• წინა ელექტრო მუხრუჭებს
• კრუიზ კონტროლს
• AM/FM 8 ტრეკს
• ვინილის სახურავი
• სპორტული დაკიდების სისტემა

Dodge Charger აღჭურვილი იყო ძრავის ძლიერი აგრეგატების ფართო სპექტრით, რომლებიც მერყეობდნენ 6 ცილინდრიანი კარბურატორიანი ძრავიდან, ნამდვილი ცეცხლსასროლით დამთავრებული, ეს იყო V8 426 HEMI. სიმძლავრე იცვლებოდა 145-დან 425 ცხენის ძალამდე.

უფრო კონკრეტულად კი:

1bbl Inline-six – 3.7L – 145HP

2bbl V8 – 5.2L – 230HP

2bbl V8  - 6.3L – 290HP

4bbl V8 – 6.3L – 330HP

4bbl V8 – 7.2L – 375HP

2X 4bbl V8 – 7.0L – 425HP

ყველაზე ძლიერი ვერსია 0-60 mph-ს დაახლოებით 5.1 წამში ავითარებდა და ზემოაღნიშნული აგრეგატები დაწყვილებული იყო 3 სიჩქარიან ავტომატურ და 4 სიჩქარიან მექანიკურ გადაცემათა კოლოფებთან. მისი სიჩქარე კი 131დან 205+ mph-მდე ვარირებდა. ეს ავტომობილი იყო ნამდვილი ძალა, რომელიც უნდა გაეთვალისწინებინა მძღოლს, როგორც უბრალო გზაზე, ასევე ტრასაზე გადაადგილებისას. მას დაახლოებით 13 წამში შეეძლო მეოთხედი მილის გავლა და ამ დისტანციაზე ის დაახლოებით 100-104 mph-ს ავითარებდა. ეს ყველაფერი კი მაშინ, როდესაც ის აღჭურვილი იყო 440 cu V8-ით ან 428 HEMI V8-ით.

აღსანიშნავია, რომ NASCAR-ში მან დაარღვია 200 mph-ის რეკორდი და Charger Daytona-მ 199,446 მილი/საათით იარა Talladega 500-ზე 1969 წლის სექტემბერში, რაც იმ დროისათვის მსოფლიო რეკორდი იყო. (აღსანიშნავია, რომ Daytona-მ იმავე წლის ივლისში რეკორდის ახალი ნიშნული დააწესა - 205 mph, თუმცა არა რბოლის დროს, არამედ 4,71 მილის სიგრძის დახურულ ტრასაზე - Chelsea Proving Grounds-ში.

Dodge Charger  მყიდველთათვის, ხუთი სხვადასხვა მოდიფიკაციით იყო ხელმისაწვდომი:

• The Base Model
• The Special Edition (SE) trim
• The Hig-Performance Charger R/T
• Charger 500
• The Nascar-Ready Charger Daytona

აღნიშნული მოდიფიკაციებით Dodge-ს ყავდა მოდელი ყველა ბიუჯეტური კლასისთვის. მაგალითისთვის SE კომპლექტაციამ დაამატა კომფორტის ელემენტები, რომელიც შესაძლოა დაწყვილებულიყო საბაზისო მოდელთან ან თუნდაც R/T-თან. შესაბამისად, ყველაზე იაფი საბაზისო მოდელი გახლდათ, რომლის ფასი იმ დროისათვის 3003 დოლარს შეადგენდა, ხოლო ყველაზე ძვირი კი 426 HEMI V8 – 3993 დოლარი.

CHARGER DAYTONA გამორჩეული მოდიფიკაციაა, ის 1969 წელს წარმოებული იყო კიდევ ორ სხვა, SE და Charger 500-თან ერთად. ეს იყო მხოლოდ ერთი წლის მოდელი, რომელიც იყო Dodge-ს ნამდვილი იარაღი NASCAR რბოლებისთვის. ჰომოლოგაციის(Homologation) წესების მიხედვით, მინიმუმ 500 ერთეული უნდა დამზადებულიყო, თუმცა 543 ერთეული დამზადდა, აქედან 40 ერთეული კანადისთვის. თითოეული მათაგნი ძირითადად აღჭურვილი იყო 375 ცხენის ძალიანი 440 Magnumაგრეგატით, ან არჩევის შემთხვევაში 425 ცხენის ძალიანი 426 HEMI V8-ით. DAYTONA დანარჩენი მოდელებისგან გამოირჩეოდა, უფრო დახვეწილი აეროდინამიურობით, სპეციალური წინა ცხვირის კონუსით, უკანა შუშითა და 23 დიუმიანი სპეციალური სტაბილიზაციის ფრთით. აღსანიშნავია, რომ მან მოიგო 2 რბოლა 1969 წელს და 4 რბოლა 1970 წელს.

ერთ-ერთი მიზეზი რის გამოც მეორე თაობის Charger პოპულარულია იმ დროინდელ სხვა კუნთმაგარ ავტომობილებთან შედარებით, არის ის, რომ ეს მოდელი სხვადასხვა დროს გადაღებულია მრავალ ფილმსა თუ სატელევიზიო შოუში. Charger თავდაპირველად ფილმ Bullit-ით გახდა პოპულარული, სადაც ნაჩვენებია თუ როგორ ედევენა Mustang GT ამ მოდელის 1968 წლის ვარიანტს.

მისი ფასი დღესდღეობით დაახლოებით 77000$-დან 1მილიონ $-მდე მერყეობს.

გისურვებთ მშვიდობიან მგზავრობას.

ამბოლი, მეტო დრო მოძრაობისთვის!