როგორც უკვე სათაურიდან მიხვდით, ამ ბლოგში განვიხილავთ უახლესი თაობის SUBARU IMPREZA-ს, მის ტექნიკურ მახასიათებლებს, ინტერიერსა და ექსტერიერს და ყველა იმ განახლებასა თუ ოფციას, რაც ბოლო თაობის მოდელმა მიიღო. 

ცოტა უფრო ადრეული პერიოდიდან რომ დავიწყოთ, IMPREZA, ეს არის კომპაქტური ავტომობილი, რომელიც იწარმოება იაპონური ავტომწარმოებლის, SUBARU-ს მიერ 1992 წლიდან დღემდე. ამ მოდელით თავის დროზე მოხდა SUBARU LEONE-ს ჩანაცვლება, რომელიც მის წინამორბედად მიიჩნეოდა.

თავდაპირველად, კომპანია მომხმარებლებს კუპეს ტიპის მოდელებს სთავაზობდა 1995 წლიდან 2001 წლამდე, მოგვიანებით კი კუპე ოთხკარიანმა სედანმა შეცვალა. საბოლოოდ კი, 2008 წლიდან, ანუ მესამე თაობიდან გადავიდა ჰეჩბეკის ტიპის ავტომობილების წარმოებაზე.

ახლა კი, დავუბრუნდეთ ბოლო თაობის მოდელს, SUBARU-მ, როგორც ზემოთ აღვნიშნეთ, გადაწყვიტა მომხმარებლებისათვის აღარ შეეთავაზებინა ოთხკარიანი სედანი და მექანიკური გადაცემათა კოლოფი, რადგან კომპანიის წამომადგენლების მრავალმხრივმა დაკვირვებამ ცხადჰყო, რომ მყიდველთა 73% ყიდულობდა ჰეჩბეკს CVT გადაცემათა კოლოფით. 

დიზაინის თვალსაზრისით, ახალი თაობის IMPREZA ალბათ მოგვაგონებს კიდეც Mazda 3-ს, მაგრამ ახალმა დიზაინმა დიდად არ შეცვალა პატარა სრულამძრავიანი ავტომობილის ზომები. მას აქვს იგივე საბურავების ბაზა, როგორც სიგრძე, ასევე დისტანცია, მისი წინამორბედის მსგავსად - თუმცა, არის ცოტათი უფრო მაღალი და ოდნავ უფრო მძიმე. აქვე უნდა აღინიშნოს ერთი პატარა, მაგრამ პრაქტიკული ნიუანსი, SUBARU-მ უკანა კარის ზღურბლზე დაამონტაჟა დამატებით დამცავი, სპეციალური საფეხური, რომელიც მფლობელს ეხმარება სახურავზე არსებული ნივთების განლაგებასა და დამაგრებაში.

რაც შეეხება ექსტერიერს, იდეალურადაა ერთმანეთთან შერწყმული მომრგვალო და წაწვეტებული ფორმები და დეტალები, რაც ავტომობილს ერთგვარად აგრესიულ ვიზუალს სძენს. სტანდარტულად, ბოლო თაობის მოდელი იწყობა, საბაზისო, SPORT და RS ვერსიებად. ბოლო მათგანისთვის დამახასიათებელია მუქი ნაცრისფერი 18 დუიმიანი დისკები, წინა მხარეს შავი ფერის ცხაურა, გვერდითა დამატებები და ადაპტირებადი LED ფარები. ამასთანავე, SPORT და RS მოდელები გვთავაზობენ ახალ, ექსკლუზიურ ფერს, Oasis Blue Pearl-ს, რომელიც მოგვაგონებს ლიმიტირებული გამოშვების 2016 წლის WRX STI და BRZ Series HyperBlue-ს. ამ ყველაფერთან ერთად, რაღათქმაუნდა, RS წარწერები მის წინა გვერდებსა და უკანა მხარეს.

ინტერიერს რაც შეეხება, მომხმარებლები შეამჩნევდნენ, რომ საბაზისო მოდელში გვხვდება სტანდარტული 7.0 დუიმიანი ეკრანი, ხოლო SPORT და RS ვერსიებში ეს მაჩენებელი 11.6 დუიმამდეა გაზრდილი. ეკრანი აღჭურვილია Apple CarPlay-ითა და Android Auto-ით. SUBARU-ს მძღოლის დამხმარე კომპლექტი, EyeSight-ის უახლესი ვერსია იყენებს ახალ კამერას უფრო ფართო ხედვით და გზაზე გადაადგილებისას ის მხოლოდ საჭიროების შემთხვევაში გამოსცემს სიგნალს და არა ყოველთვის. ამას ემატება ადაპტირებული კრუიზ კონტროლი და საჭის უკანა მხარეს სიჩქარეების გადამრთველები, რაც საერთო ჯამში მძღოლს უადვილებს მართვას და მგზავრობას კომფორტულს ხდის.

ეს ოთხკარიანი და 5 მგზავრზე გათვლილი ჰეჩბეკი, სტანდარტულად იწარმოება წინა და სრული ამძრაობით. რაც შეეხება ძრავს, აქაც ორი ვარიანტი გვხვდება, 2.0 ლიტრის მოცულობის, რომელიც გამოიმუშავებს 152 ცხენის ძალას და 2.5 ლიტრის 182 ცხენის ძალით. ორივე მათგანი დაკავშირებულია მუდმივად ცვლად ავტომატურ გადაცემათა კოლოფთან. 

ეს მონაცემები ავტომობილს 0-დან 100 კმ/სთ-მდე დაახლოებით 8.2-დან 9.0 წამამდე შუალედში აჩქარებს. 1/4 მილს კი 16.3-17.1 წამის შუალედში ფარავს. მაქსიმალური სიჩქარე 200კმ/სთ-ია.

საწვავის მოხმარება კი შემდეგნაირად გამოიყურება:

• შერეული - 8.1 ლიტრი

• ქალაქი - 9.0 ლიტრი

• მაგისტრალი - 7.1 ლიტრი

და ბოლოს, თითოეული ვერსიის საბაზრო ღირებულება:

• Base - 24,085$

• SPORT – 26,085$

• RS – 28,975$

სულ ეს იყო რისი თქმაც გვინდოდა ახალი თაობის SUBARU IMPREZA-ს შესახებ, იმედი გვაქვს, თქვენთვის საინტერესო და გამოსადეგი ინფორმაცია იქნება.

გისურვებთ მშვიდობიან მგზავრობას.

ამბოლი, მეტი დრო მოძრაობისთვის!