კუნაპეტი ღამეა. ყოვლად უიმედო. სიცოცხლის ნიშანწყალს მხოლოდ თამამი მღრღნელების ფაჩუნიმოწმობს, რომლებიც საქმიანად დაძრწიან თხრილიდან თხრილში და პერიოდულად, საბრალომსხვერპლის გაყოფისას, ისტერიულ ხმებს გამოსცემენ. ისეთი ცაა, უსახური უდაბნოს ფერი, თითქოს მასზევარსკვლავებიც არასოდეს ენახოს ვინმეს. მხოლოდ შორს, ძალიან შორს, თითქმის ჰორიზონტთან, ფერმკრთალად მოჩანს უბადრუკი განათებები. 

ეს ქალაქია, ჩვენი ნაცნობი ქალაქი, რომელსაც მაცხოვრებლები სასოწარკვეთილების აკვანს ეძახიან. დასწორედ ეს ქალაქი, უფრო სწორად კი მასში გამეფებული კორუფციის და უსამართლობის შემოქმედნი, შერიფი დარკო და მისი დამქაშები, გამხდარან რობოტი ლუის და კობორგი ბეკის სამიზნე.

შესაშური საბრძოლო ეკიპირებით აღჭურვილი, მობილიზებული და საკუთარი გადაწყვეტილებისსისწორეში დარწმუნებული თანამებრძოლები უსიტყვოდ, ცივი, მკაცრი სახეებით სხდებიან მათ მიერახლახანს შექმნილ სრულყოფილ მანქანაში და გეზს აღმოსავლეთით, ქალაქის შესასვლელისკენ იღებენ. მოულოდნელობის ეფექტი მათი წარმატების მთავარი იარაღი უნდა გახდეს, ამიტომ ნელი სვლით, შეძლებისდაგვარად ჩუმად მიგორავენ ქვაღორღიან გზაზე.

უცებ, თითქოს არსაიდან ცაზე მანათობელი ვარსკვლავი ჩნდება, თუმცა თუ მისი მოძრაობის ტრაექტორიასდა სისწრაფეს გავითვალისწინებთ, მალე დავრწმუნდებით, რომ ციურ სხეულებს ასეთი მანევრებისგაკეთება არ შეუძლია. ლუის და ბეკის მის დანახვაზე ცუდი წინათგრძნობა ეუფლებათ. მანათობელიბურთი ელვის სისწრაფით მოემართება მათკენ. თითქოს შეჯახება გარდაუვალია, მაგრამ უცებ ნათებაქრება. ლუი და ბეკი გაკვირვებასაც კი ვერ ასწრებენ, რომ ერთ წამში, მათ თავზე ენერგეტიკული ბიოველისგუმბათი ჩნდება. მანქანაში ელექტროობა მწყობრიდან გამოდის. ძრავი ითიშება. ავტომობილი ადგილზექვავდება.

გამწარებული ბეკი იარაღს იღებს. მზადაა მთელი მჭიდი დაუშვას წინ აღმართულ ბარიერს, თუმცა საქმეშილუი ერთვება და გაცოფებულ კიბორგს აკავებს.

ამასობაში, მათ თვალწინ, გუმბათის კედელზე, მოციმციმე წარწერა ჩნდება:

.....თქვენი მისია უარყოფილია! გაბრუნებთ სახლში....

ლუი და ბეკი თვალებს არ უჯერებენ, მანქანიდან გადმოსვლას აპირებენ, მაგრამ კარს ვერ აღებენ. მათიყველა მცდელობა დატოვონ ავტომობილი, უშედეგოდ სრულდება. თუმცა ეს ტანჯვა დიდხანს არგრძელდება. ლუი და ბეკი თანდათან გრძნობენ ენერგიის განლევას, დუნდებიან და უემოციოდ ვარდებიანუწონობაში...

................................................................

გაურკვევლობის სამეფოში მოხვედრილები, ჩრდილების და სინათლის მაცდური თამაშების ყურებისას, როცა რეალობას და წარმოსახვას შორის საზღვრის გავლებას ვერ ვახერხებთ და რაღაც აუხსნელსვაწყდებით, გაოცებისა და დაბნეულობის ძლიერ ქარიშხალში ვხვდებით. ამ დროს იმ ინფორმაციასვეზიარებით, რომელიც ჩვენი ცნობიერის აღქმის მიღმაა და რაციონალური გონების შეზღუდულშესაძლებლობებს ძლიერ აღემატება. შიშები გვიპყრობს და ავტომატურად ვფოკუსირდებითდავაბალანსოთ მდგომარეობა. გავარკვიოთ, სად რა შეგვეშალა და მაქსიმალურად სწრაფადგავთავისუფლდეთ.