ძრავების ღმუილის ფონზე, ქალაქის მთავარი ქუჩა გამონაბოლქვის კვამლში ეხვევა. მანქანები პოზიციებსიკავებენ. იქ, სადაც რესურსები ძალიან მწირია და გადარჩენისთვის ყოველდღიური ბრძოლაა საჭირო, საყოველთაო რალი ხალხისთვის იმედის იშვიათი ნაპერწკალია. 

მძღოლები, ამ დაუნდობელი სამყაროს გმირები, მუდმივად რისკავენ საკუთარ სიცოცხლეს მღელვარების, აზარტის და მთავარი პრიზის გამო, რომელიც შემდეგ ტურნირამდე უდარდელი ცხოვრების გარანტიაა. უშიშარ რაინდებს, რომლებმაც წლების პრაქტიკით და მძიმე გამოცდილებით საოცარი უნარები შეიძინეს, მაყურებელი გამაყრუებელი, ველური ყიჟინითა და ოვაციებით აცილებს. მძღოლებიც ისევ თავიდანივსებიან იმ შეგრძნებით, რომ ამ სასტიკ რეალობაში ჯერ კიდევ არის ვნებისა და გამბედაობის ადგილი. 

საყოველთაო რალის, ისევე, როგორც ნებისმიერ თეატრსა, თუ სცენას, გამორჩეული ვარსკვლავი ჰყავს. ამქალაქში, ამ სტატუსით ადამიანი, სახელად „კოსმიური მტვერი“ სარგებლობს. ცივსისხლიანი მრბოლელი, რომელიც რთულ მოსახვევებში არაორდინალური გადაწყვეტილებებით გამოირჩევა. ის მუდმივადსიკვდილ-სიცოცხლის ზღვარზეა და ამიტომ პუბლიკის ერთპიროვნული კერპია. პატივისცემა და ყურადღებამაშინაც კი არ აკლია, როდესაც თვეებს გაუნძრევლად, საწოლზე მიჯაჭვული ატარებს.

თუმცა დღეს, იქ შეკრებილ საზოგადოებას განსაკუთრებული სანახაობა ელის. რბოლის დებიუტანტი, რებეკას მაცდურ წინადადებას დათანხმებული რობოტი ლუი, ყურადღების მიპყრობას და მეფის ტახტიდანჩამოგდებას ეცდება. ლუი ღრმადაა დარწმუნებული, რომ რალის მოგება, რებეკას გულის მოსაგებადერთადერთი გზაა. შეიძლება უცნაურია, მაგრამ მას სულაც არ ადარდებს ის ფაქტი, რომ მიზნისმისაღწევად, თავად რებეკას დამარცხებაც მოუწევს.
გამონაბოლქვის კვამლში გახვეულ ქუჩაზე ღამის განათება ინთება. შერიფი დარკო ქვეშევრდომებსუკანასკნელ მითითებებს აძლევს. შოუს დასაწყებად ყველაფერი მზადაა. უკუთვლა იწყება.

................................................................

არსებობს რაღაცები, რაც არასოდეს იცვლება. სულ ასე იყო და ასე იქნება. შეჯიბრში გამარჯვებისგანმოპოვებულ მღელვარების განცდას ვერაფერი შეედრება... თუმცა, როცა სასწორზე გაცილებით მეტი დევს, ვიდრე ფული, დიდება, ან ოქროს მედალი, რა გასაკვირია, რომ ჩვენც განსაკუთრებული თავგანწირვითვისწრაფვით დანიშნულების ადგილისკენ...