ავტომოყვარულების უმრავლესობასა და მათ, ვისაც მცირე შეხება მაინც ჰქონია ავტოსფეროსთან, ერთხელ აუცილებლად ექნება გაგონილი ტერმინი JDM. ბლოგში სწორედ ამ ტერმინის შესახებ გვინდა გესაუბროთ, უფრო დეტალურად, თუ რას ნიშნავს ის და საიდან იღებს სათავეს.

პირველ რიგში, JDM იშიფრება, როგორც Japanese Domestic Market. უმეტეს ჩვენგანს ეს ტერმინი, ალბათ, სხვადასხვა ცნობილი ფილმიდან და თამაშიდან გვსემენია, თუმცა, შესაძლოა, არასწორი განმარტებით გვცოდნოდა, რადგან გავრცელებული მოსაზრების თანახმად, ამ ტერმინით მოიხსენიებენ ნებისმიერ იაპონური წარმოების ავტომობილს, რომლებიც აგრეთვე გაიყიდა სხვა ქვეყნებშიც.

რეალურად კი, JDM ავტომობილად ითვლება, ის მანქანაა, რომელიც შექმნილია მხოლოდ იაპონიის შიდა ბაზრისთვის და არაა გათვლილი ექსპორტზე გასატანად. მსგავსი ავტომობილები იქმნება იაპონიის კანონმდებლობის სრული დაცვითა და მოთხოვნით. ანუ ავტომობილები, რომლებიც შექმნილია,,იაპონელი ხალხისა და მათი გზებისთვის“.

მაგალითად, Toyota Crown, იწარმოება მხოლოდ იაპონიის შიდა ბაზრისთვის და შესაბამისად, ის არის JDM კლასის ავტომობილი. მაგრამ Honda Civic, იწარმოება და იყიდება საერთაშორისო დონეზე, აშშ-ში, ევროპაში, ავსტრალიასა და აზიაში, ამიტომაც, ის არ ითვლება JDM მანქანად.

გამონაკლისად შეიძლება ჩაითვალოს, იაპონური ავტოსამყაროს ერთ-ერთი შედევრი, Toyota Supra, რომელიც როგორც აშშ-ს (ანუ USDM), ასევე იაპონიის გზებისთვისაც შეიქმნა; ასე რომ ის JDM ავტომობილიცაა და ექსპორტზეც გავიდა.

აღსანიშნავი ფაქტია ის, რომ იაპონელებს, ჯერ კიდევ გასული საუკუნის 70-იან წლებში არ მოსწონდათ ფაქტი, რომ იაპონელი ელიტა მართავდა ისეთ უცხოურ და ძვირადღირებულ სედანებს, როგორებიცაა: Mercedes, BMW და Jaguar. ამიტომ მათ შექმნეს ,,ჭეშმარიტი JDM” ავტომობილი, Toyota Century. ამ ავტომობილის შექმნას ჰქონდა მხოლოდ ერთადერთი მნიშვნელობა, რომ ის ყოფილიყო სტატუსის სიმბოლო და არასდროს გასულიყო ექსპორტზე.

საუბარი იმის შესახებ, თუ საიდან იღებს JDM კულტურა სათავეს და პირველად ვინ შემოიღო ეს ტერმინი, ცოტა რთულია, თუმცა დაზუსტებით შეიძლება ითქვას, რომ ამ ტერმინის გამოყენება მე-20 საუკუნის 80-იანი წლების ბოლოს დაიწყო და თანდათან 90-იან წლებში მისი პოპულარობა გაიზარდა. თუმცა, სრულ პიკს 2000-იანების დასაწყისში მიაღწია, როდესაც ყველასათვის საყვარელი და ცნობილი ფილმი Fast and Furious გამოვიდა. მისი პოპულარობის გაზრდას ასევე ხელი შეუწყო, ავტომოყვარულებისათვის საყვარელმა ვიდეო თამაშებმაც, როგორებიცაა: Need For Speed, Gran Turismo, Midnight Club და Forza Motorsport. 

ჰო მართლა, ზემოთ ავღნიშნეთ, რომ JDM ავტომობილები იწარმოება მხოლოდ იაპონური კანონმდებლობისა და უსაფრთხოების ნორმების დაცვით. უფრო კონკრეტულად რომ ავხსნათ, 1988 წლიდან წარმოებული ავტომობილების მაქსიმალური სიმძლავრე 280 ცხენის ძალა იყო, ხოლო სიჩქარე კი იზღუდებოდა 180 კმ/სთ-მდე. ეს ლიმიტები დააწესა იაპონიის ავტომობილთა მწარმოებელმა ასოციაციამ JAMA-მ. 2004 წელს, ცხენის ძალებზე ლიმიტი მოიხსნა, თუმცა, სიჩქარის შეზღუდვა ისევ 180 კმ/სთ დარჩა.

JDM ავტომობილის ფლობის უპირატესობები:

საიმედოობა - მათი შეძენის ერთ-ერთი უპირატესობა, დამსახურებულად უნდა ითქვას, რომ მათი საიმედოობა და უზადო გამძლეობაა. ზოგადად იაპონური ფესვების ავტომობილები ისედაც გამძლეა, თუმცა, შიდა ბაზრისთვის წარმოებული კიდევ უფრო ამტანია.

უფრო მაღალი ღირებულება გაყიდვისას - ეს ავტომობილები იმდენად პოპულარულია ავტომოყვარულებში, რომ მას ყველა კონტიგენტზე უამრავი ფანი ჰყავს, შესაბამისად, მისი ღირებულება მაღალია. ფასს ასევე ისიც განაპირობებს, რომ მისი იმპორტი და შესაბამისი კანონმდებლობით განბაჟება საკმაოდ მაღალ თანხებთანაა დაკავშირებული.

საწვავის ეფექტურობა - ცნობილი ფაქტია, რომ სხვა ანალოგებთან შედარებით JDM ავტომობილებს ნაკლები საწვავის მოხმარება ახასიათებთ, ეს განპირობებულია იაპონური კანონმდებლობით. შესაბამისად, ეფექტურობა ორი რამის ხარჯზე, ნაკლები სიმძლავრის ან ძრავის სპეციალური დიზაინით, მიიღება.

უმაღლესი ხარისხის ავტონაწილები - მანქანების მფლობელთა ბრუნვის მაღალი მაჩვენებლის გამო, ორიგინალი ნაწილები, როგორც წესი, იდეალურ მდგომარეობაშია ხელმისაწვდომი.

დასკვნის სახით რომ ვთქვათ, იმედია გასაგებად გადმოვეცით ჩვენი ერთგული მკითხველებისთვის თუ რას ნიშნავს JDM  და რა კატეგორიისა თუ მოთხოვნების მანქანები ერთიანდება ამ ტერმინში. 

გისურვებთ მშვიდობიან მგზავრობას.

ამბოლი, მეტი დრო მოძრაობისთვის!