საპოხ სითხეს უდიდესი როლი აკისრია ავტომობილის გამართულად ფუნქციონირებაში. ის სპეციალურად შექმნილია იმისთვის, რომ როგორც ძრავის, ასევე გადაცემათა კოლოფის მოძრავი ნაწილები შეზეთოს, რითაც ამცირებს ხახუნის ძალას და, შესაბამისად, იცავს მათ დაზიანებისაგან.

თუმცა, ძრავის ზეთსა და გადაცემათა კოლოფის ზეთს შორის დიდი განსხვავებაა, როგორც მათ შემადგენელ კომპონენტებს, ასევე ფუნქციებს შორის. დღევანდელ ბლოგშიც სწორედ ამ საკითხზე გვინდა გესაუბროთ და ჩამოვთვალოთ ის განმასხვავებელი ნიშნები, რაც მათ შორისაა.

ძირითადი განსხვავება მათ შორის ისაა, რომ ძრავის ზეთი არის საპოხი, ხოლო გადაცემათა კოლოფის ზეთი კი, ჰიდრავლიკური სითხე. მიუხედავად იმისა, რომ ისინი ვიზუალურად შესაძლოა ერთნაირად გამოიყურებოდნენ, ფუნქციურად ისინი სხვა და სხვა მიზნებს ემსახურებიან. ძრავის ზეთი ხელს უწყობს ძრავის მუშაობის გაუმჯობესებასა და საწვავის ეფექტურობას, ხოლო გადაცემათა კოლოფის ზეთი კი, ენერგიას აწვდის ჰიდრავლიკურ ნაწილებსა და გადაცემათა კოლოფს.

რა ფუნქცია აქვს გადაცემათა კოლოფის ზეთს?

გადაცემათა კოლოფის ზეთი გამოიყენება, კოლოფის ძირითადი ნაწილების შეზეთვისათვის, რაც ხელს უწყობს ოპტიმალურ ეფექტურობას. მისი მიზანია, ხელი შეუწყოს, მთელი გადაცემათა სისტემის უწყვეტ და შეუფერხებელ მუშაობას.

რა ფუნქცია აქვს ძრავის ზეთს?

ძრავის ზეთი გამოიყენება, აგრეგატის მოძრავი დეტალების შეზეთვისათვის, ის აღწევს რთულად მისადგომ ადგილებშიც კი და სპეციალური დანამატების საშუალებით იცავს მას დაზიანებისაგან.

ძრავის ზეთი:

• ძრავის ზეთები, ძირითადად გამჭირვალეა, ოდნავ ქარვისფერი შეფერილობით.
• ძრავის ზეთს აქვს უფრო დაბალი სიბლანტე, ვიდრე გადაცემათა კოლოფის ზეთს.
• დროთა განმავლობაში ძრავის ზეთი შავდება. 

ფუნქციები:

• უზრუნველყოფს დაცვას ცვეთისა და ხახუნისაგან.
• ხელს უწყობს ძრავის ტემპერატურის შენარჩუნებას.
• იცავს ძრავს მინარევებისაგან და დაბინძურებისაგან.
• იცავს კოროზიისაგან.

გადაცემათა კოლოფის ზეთი:

• ავტომატური გადაცემათა კოლოფის ზეთი, ხშირ შემთხვევაში მომწვანო, ზოგჯერ კი მუქი წითელი ფერისაა.
• მექანიკური გადაცემათა კოლოფის სითხე კი მუქი მწვანეა.
• CVT-ის მწვანე და გამჭირვალეა.

ფუნქციები:

• სპეციალური დანამატების საშუალებით უზრუნველყოფს გაგრილებას.
• ტრანსმისიის ზეთი, როგორც მექანიკური, ასევე ავტომატური, ხელს უწყობს ჰიდრავლიკური ნაწილების გამართულ მუშაობას.

როდის უნდა შევცვალოთ თითოეული მათგანი?

მწარმოებლები გვირჩევენ, რომ ძრავში ზეთი ყოველ 3000-დან 6000-მდე მილის შუალედში უნდა შეიცვალოს. წინააღმდეგ შემთხვევაში, დაძველებული ზეთი კარგავს თავის ფუნქციებს და შესაძლოა, პირიქით საზიანოც კი აღმოჩნდეს აგრეგატის გამართულად ფუნქციონირებისთვის. ხოლო რაც შეეხება გადაცემათა კოლოფის ზეთს, ის უფრო მეტ ხანს ძლებს და რეკომენდებული შუალედი 30000-დან 50000 მილამდეა.

სულ ეს იყო რისი თქმაც გვინდოდა მათ შორის განსხვავებაზე,

გისურვებთ მშვიდობიან მგზავრობას.

ამბოლი, მეტი დრო მოძრაობისთვის!