აკუმულატორი ავტომობილის აუცილებელი დეტალია, რომელიც ძრავისა და ელექტრონული სისტემებისთვის საჭირო რაოდენობის ელექტროენერგიის მიწოდებას უზრუნველყოფს. თუმცა, დაბალმა ტემპერატურულმა პირობებმა, შესაძლოა, მნიშნელოვანი გავლენა იქონიოს მის მუშაობასა და სიმძლავრეზე. ამ ბლოგშიც სწორედ ამ საკითხზე გვინდა გესაუბროთ და მოგიყვეთ, თუ რა მოსდის აკუმულატორს სიცივეში და როგორ შევინახოთ და გავუხანგრძლივოთ სიცოცხლისუნარიანობა ასეთ პირობებში.

პირველ რიგში, მნიშნელოვანია გვესმოდეს ის ქიმიური რეაქციები, რაც აკუმულატორში მიმდინარეობს. ის შედგება ტყვიის მჟავა უჯრედებისაგან და ქიმიური რეაქციის შედეგად ტყვიისა და გოგირდმჟავას სახით შენახულ ენერგიას გარდაქმნის ელექტროენერგიად. თუმცა, ეს ქიმიური რეაქცია ტემპერატურისადმი მგრძნობიარეა და ცივმა კლიმატურმა პირობებმა, შესაძლოა, შეანელოს ან საერთოდ შეაჩეროს რეაქცია. ეს ბუნებრივია, რადგან დაბალი ტემპერატურა ამცირებს კინეტიკურ აქტივობას.

როდესაც ტემპერატურა ეცემა, ელექტროლიტური ნარევი უფრო ბლანტი ხდება, რაც ართულებს ქიმიური რეაქციის წარმოქმნას. პარალელი რომ გავავლოთ, ეს იგივეა, რაც ძრავის ზეთს მოსდის დაბალ ტემპერატურაზე, ის სქელდება და ნაკლებად თავისუფლად მიედინება. შესაბამისად, იონები, რომლებიც ელექტროლიტშია, უფრო ნელა მოძრაობენ და ნელი ტემპით იხსნება.

ამასთანავე, ცივმა ტემპერატურამ, შესაძლოა, გამოიწვიოს მასში არსებული სითხის გაყინვა, რამაც შეიძლება, ნაწილობრივ ან სრულად, დააზიანოს აკუმულატორი. ასეთ შემთხვევაში, კორპუსის ნაწილი ამოიბურცება და ზოგჯერ ელექტროლიტმაც კი შეიძლება, გაჟონოს, რის გამოც იქმნება კოროზიის გროვა.

ტიპური ავტომობილის, აკუმულატორის ელექტროლიტის გაყინვის მინიმალური ტემპერატურა დაახლოებით -40F-ია. ამიტომ მნიშვნელოვანია იმის უზრუნველყოფა, რომ ტემპერატურა ამ მაჩვენებელს ქვემოთ არ იყოს.  თუ აკუმულატორი სრულად არ არის დამუხტული, არსებობს იმის საშიშროება, რომ შედარებით ნაკლებად ცივ გარემოშიც დაზიანდეს. მაგალითისთვის, აკუმულატორი, რომელიც დაახლოებით 80%-ზეა დამუხტული, შესაძლოა, გაიყინოს -20F-ზე. ხოლო თუ ის მთლიანად დაცლილია, მსგავსი შედეგი 20F-ზეც დადგება.

ახლა კი განვიხილოთ ის ნაბიჯები, რომელთა დაცვაც დაეხმარება თქვენი ავტომობილის აკუმულატორს, დაბალ ტემპერატურულ პირობებში, სიცოცხლისუნარიანობის გახანგრძლივებაში:

გააჩერეთ თქვენი ავტომობილი ავტოფარეხში: თუ ეს შესაძლებელია, ავტომობილის ავტოფარეხში გაჩერება, მანქანასა და აკუმულატორს დაიცავს ცივი ტემპერატურის უარყოფითი ზეგავლენისაგან.

სპეციალური გადასაფარებელი: გადასაფარებელი დაგეხმარებათ ნაწილობრივ მაინც დაბლოკოთ ცივი ტემპერატურის ნაკადი და დაიცვათ ავტომობილი გაყინვისაგან.

შეამცირეთ მოხმარება: როდესაც ავტომობილს გააჩერებთ ან ღამე დატოვებთ, დარწმუნდით, რომ გამორთეთ ყველა სახის განათება და ელექტრონული მოწყობილობა, რათა მინიმუმამდე დაიყვანოთ აკუმულატორის ენერგიისგან დაცლა.

მიეცით აკუმულატორს დატენვის დრო: აკუმულატორი, როგორც წესი, ავტომობილის მოძრაობისას იტენება, შესაბამისად, მოკლე დისტანციაზე გადაადგილება ან მალ-მალე გაჩერება-დაქოქვა უარყოფითად აისახება მასზე, დაბალ ტემპერატურაზე. ამიტომ, კარგი იქნება, თუ შეძლებისდაგვარად შედარებით დიდ დისტანციაზე გადავაადგილდეთ, რათა აკუმულატორი უკეთ დაიმუხტოს.

გაითვალისწინეთ ზემოაღნიშნული ინფორმაცია და რჩევები, რომლებიც დაგეხმარებათ, დაბალ ტემპერატურაზე უვნებლად შეინახოთ თქვენი ავტომობილის აკუმულატორი.

და ბოლოს, თუ თვლით, რომ აკუმულატორის შეცვლის დრო დადგა და გსურთ, ზამთრის ცივ დღეებს მომზადებული შეხვდეთ, მაშინ გვეწვიეთ ამბოლის ნებისმიერ ფილიალში, სადაც ჩვენი მაღალკვალიფიციური თანამშრომლები დროულად და ხარისხიანად გაგიწევენ საჭირო მომსახურებას.

გისურვებთ მშვიდობიან მგზავრობას.

ამბოლი, მეტი დრო მოძრაობისთვის!