საწვავის ფასების პერიოდული ზრდა მნიშვნელოვანი პრობლემაა ავტომობილის მფლობელებისთვის, მითუმეტეს მაშინ, როდესაც მასზე მოთხოვნა საკმაოდ გაზრდილია. ამიტომ ბევრი ჩვენგანი, ვისაც მანქანა გვყავს ვცდილობთ იშვიათად და მხოლოდ კონკრეტული საქმისთვის გამოვიყენოთ. დანარჩენ შემთხვევაში კი საზოგადოებრივი ტრანსპორტით გადავაადგილდეთ. 

თუმცა არის სხვა ალტერნატივაც და ეს სწორედ ჰიბრიდული ავტომობილია. მათი რიცხვი, როგორც ჩვენი ქვეყნის შიგნით, ასევე მის ფარგლებს გარეთაც ყოველდღიურად მატულობს. ძირითადი მიზეზი კი, რა თქმა უნდა, მნიშვნელოვნად შემცირებული საწვავის ხარჯია. რაც განპირობებულია იმით, რომ ჰიბრიდული ავტომობილი როგორც შიდაწვის, ასევე ელექტრო ძრავითაა აღჭურვილი და კომბინირებული მუშაობისას ეფექტურად ამცირებს საწვავის მოხმარებას, რაც განსაკუთრებით შესამჩნევია პიკის საათებში საცობში დგომისას.

სწორედ ამიტომ მრავალი ჩვენგანი ჰიბრიდული ავტომობილის ყიდვას ვანიჭებთ უპირატესობას. თუმცა მსგავსი ტიპის მანქანებს, მრავალი დადებითი თვისების გარდა, ასევე აქვთ რამდენიმე ძირითადი უარყოფითი ნიუანსიც. ამ ბლოგშიც სწორედ ამ საკითხზე გვინდა გესაუბროთ და განვიხილავთ რამდენიმე მნიშვნელოვან პრობლემას, რომლებიც ყველაზე მეტადაა გავრცელებული ჰიბრიდულ ავტომობილებში.

ელემენტები: ჰიბრიდული ავტომობილების ერთ-ერთი ყველაზე გავრცელებული პრობლემა ელემენტების გაუმართაობაა. მწარმოებლები მათზე როგორც წესი, რამდენიმე წელს ან კონკრეტული რაოდენობის გარბენამდე იძლევიან გარანტიას. ჩვენ კი ძირითადად მეორად ავტომობილებს ვყიდულობთ, რომლებსაც ეს პერიოდი უკვე გასული აქვთ. გარდა ამისა ელემენტები სპეციალურ მოვლას საჭიროებს. ისინი გრილდება სპეციალური ქულერის მეშვეობით რომელიც ავტომობილის სალონშია მოთავსებული(ხშირ შემთხვევაში უკანა სავარძლის ქვევით). მას პერიოდული გაწმენდა ესაჭიროება, რადგან დროთა განმავლობაში იბიდნება მტვრის ნაწილაკებით, რის გამოც ვეღარ ასრულებს თავის მოვალეობას და შედეგად ელემენტები ნორმაზე მეტად ხურდება, ასეთი მუშაობა კი იწვევს მათ დაზიანებას. ამიტომ მნიშვნელოვანი არის ქულერის პერიოდული გაწმენდა და ასევე ელემენტების კონტაქტების პერიოდული შეცვლა ან მჟავაში დამუშავება, რადგან ისინი დროთა განმავლობაში ნადებს იკეთებენ. ალბათ ზაფხულის ცხელ დღეებში ერთხელ მაინც ყველას შეგიმჩნევიათ აქსელერატორის პედალზე ფეხის აშვების შემდეგაც ავტომობილი გამოსცემს სპეციფიურ ხმას. ეს იმის ბრალია, რომ ელემენტები სათანადოდ ვერ გრილდება. ამიტომ მნიშვნელოვანია სალონში შექმნათ სეზონის შესაბამისი ტემპერატურა.

ABS:  Anti-lock Braking System, უსაფრთხოების სისტემა, რომელიც მძღოლს საშუალებას აძლევს ავტომობილზე მეტი კონტროლის შენარჩუნებასა და მისი მოცურების გარეშე გაჩერებაში. ABS-ის მწყობრიდან გამოსვლაც ერთ-ერთი ყველაზე გავრცელებული პრობლემაა ჰიბრიდულ ავტომობილებში და მისი შეკეთება საკმაოდ დიდ თანხებთანაა დაკავშირებული. ამიტომ კარგი იქნება თუ სამუხრუჭე სითხეს პერიოდულად შევამოწმებთ და როგორც წესი 2 წელიწადში ერთხელ შევცვლით, რათა თავიდან ავიცილოთ ზემოაღნიშნული პრობლემა.

კატალიზატორი: ის ავტომობილის ერთ-ერთი მნიშვნელოვანი დეტალია და პასუხისმგებელია მავნე გამონაბოლქვი გარდაქმნას ნაკლებად საზიანო აირებად, რითაც მნიშვნელოვნად ამცირებს უარყოფით ზემოქმედებას, როგორც ჩვენს ჯანმრთელობაზე, ასევე გარემოზე. დიდი გარებენის ან არასწორი ექსპლატაციის გამო ის ხშირ შემთხვევაში იბიდნება და ვეღარ ასრულებს თავის მოვალეობას, შედეგად იმატებს საწვავის ხარჯი და მავნე აირების გამოყოფა გარემოში. 

EGR სარქველი: ის ძრავის გამართულად ფუნქციონირებისათვის საჭირო დეტალია. მის დანიშნულებაა აკონტროლოს გამონაბოლქვი აირის ნაკადი, რომელიც რეცრკულირდება ძრავის დატვირთვის მიხედვით. დროთა განმავლობაში ის იბიდნება და შედეგად იმატებს წვაც.

დროსელი და ბენზინის ინჟექტორები: ეს დეტალებიც დროთა განმავლობაში იბიდნება და გაწმენდას საჭიროებენ, რადგან ამ შემთხვევაშიც საწვავის ხარჯი იმატებს. 

გაითვალისწინეთ ზემოაღნიშნული პრობლემები და ეცადეთ დროულად ჩაუტაროთ საჭირო სერვისი თქვენს ავტომობილს, რათა დიდხანს და გამართულად გემსახუროთ.

ამბოლი, მეტი დრო მოძრაობისთვის!