ზამთრის დადგომასთან ერთად აქტუალური საკითხია ავტომობილის სეზონისათვის შესაფერისი შემოწმება და აუცილებლობის შემთხვევაში ყველა საჭირო სერვისის ჩატარება. მათ შორის ერთ-ერთი სწორედ სამუხრუჭე სისტემისა და მისი შემადგენელი დეტალების გულმოდგინედ დათვალიერებაა, რათა საჭირო დროს რომელიმე მათგანი მოულოდნელად არ გამოვიდეს მწყობრიდან.

ამ ბლოგშიც სწორედ ამ საკითხზე გვინდა გესაუბროთ და გამოვყოთ ის სამი ძირითადი მიზეზი, თუ რატომაა აუცილებელი ზამთრის დადგომამდე სამუხრუჭე სისტემის კომპონენტების შემოწმება.

შეამოწმეთ სამუხრუჭე სითხის მდგომარეობა:

მარტივად რომ ვთქვათ, პედალზე ფეხის დადგმისას სამუხრუჭე სითხის მეშვეობით, ხუნდებს გადაეცემა ძალისმიერი ენერგია, რის შედეგადაც ისინი ეჭირება დისკოს და ავტომობილი ანელებს ან სრულად აჩერებს მოძრაობას. დროთა განმავლობაში სამუხრუჭე სითხე ითვისებს ჰაერში არსებულ ტენიანობას, შედეგად მისი ეფექტურობა მცირდება. დაბალ ტემპერატურაზე კი ტენიანობას სითხე შეუძლია იმდენად გაასქელოს, რომ მან ვერ შეძლოს სწორად ფუნქციონირება, რაც ავტომატურად საშიშროებას უქმნის მგზავრთა უსაფრთხოებას. სწორედ ამიტომ, მისი მდგომარეობის შემოწმება აუცილებელი პროცედურაა, რათა საჭირო დროს ეფექტურად დამუხრუჭება შეძლოთ.

შეამოწმეთ სამუხრუჭე ხუნდების მდგომარეობა:

რამდენადაც გასაკვირი არ უნდა იყოს, მარილსა და ტენიანობას სერიოზული ზიანის მიყენება შეუძლია თქვენი ავტომობილისთვის, განსაკუთრებით კი სამუხრუჭე ხუნდებზე. სპეციალური საგზაო მარილი, რომელიც გამოიყენება ყინულისა და თოვლის დასადნობად, გამოირჩევა კოროზიული ბუნებით, რომელიც აჩქარებს სამუხრუჭე სისტემის კომპონენტების გაფუჭებას. გარდა ამისა, ტენიანობამ შესაძლოა გამოიწვიოს ხუნდების დაჟანგვა, რაც დამუხრუჭების ეფექტს შეამცირებს. ამიტომ, ზამთრის სეზონის დადგომამდე აუცილებლად შეამოწმეთ ხუნდები, რათა დარწმუნდეთ, რომ კოროზიას და ჟანგს არ დაუზიანებია.

ავტოსაგზაო შემთხვევის თავიდან ასარიდებლად:

ხშირ შემთხვევაში, ზამთრის ცივ ამინდებში, გზები მოყინულია ან თოვლითაა დაფარული, ამასთანავე პერიოდულად შემცირებულია ხილვადობა და არაპროგნოზირებადი ამინდიც თან ერთვის ამ ყველაფერს. შედეგად, მსგავს გარემოში გადაადგილება, განსაკუთრებულ სიფრთხილესა და მობილიზებას მოითხოვს. ამიტომაც, აუცილებლად დეტალურად შეამოწმეთ სამუხრუჭე სისტემის ყველა კომპონენტი, რათა ეფექტურად და დროულად შეძლოთ დამუხრუჭება და მოსალოდნელი საფრთხე თავიდან აირიდოთ.

და ბოლოს, რამდენიმე ნიშანი, რომლებიც სამუხრუჭე სისტემის გაუმართაობას გვამცნობენ:

• დამუხრუჭებისას გესმით ხმაური ან წრიპინის ხმა.
• დამუხრუჭებისას ავტომობილი ძაგძაგებს ან ირხევა.
• დამუხრუჭებისას ამჩნევთ დამწვრის სუნს.
• დამუხრუჭებისას ავტომობილი ერთ რომელიმე მხარეს იხრება.
• დამუხრუჭებისას გაჩერებას ჩვეულებრივზე მეტი დრო სჭირდება.
• თუ მონაცემთა დაფაზე ABS ნიშანი ანთებს.

ასე რომ გაითვალისწინეთ ზემოხსენებული რჩევები და დააკვირდით ჩამონათვალში აღნიშნულ ნიშნებს. ეცადეთ დროულად მიიყვანოთ ავტომობილი სამუხრუჭე სისტემის დეტალების შესამოწმებლად და საჭიროების შემთხვევაში აუცილებლად შეცვალეთ დაზიანებული კომპონენტი.

გისურვებთ მშვიდობიან მგზავრობას.

ამბოლი, მეტი დრო მოძრაობისთვის!