მოგეხსენებათ, რომ აკუმულატორი ეს არის ავტომობილის მთავარი დენის წყარო, რომელიც მანქანის გამართულ და შეუფერხებელ მუშაობას უზრუნველყოფს. მასში არსებული ენერგეტიკული უჯრედები და სპეციალური ტყვიის მჟავის ქიმიური ხსნარი, ერთობლივად ფუნქციონირებენ, რათა ავტომობილს საჭირო რაოდენობის ელექტროენერგია მიაწოდონ. მოკლედ რომ ვთქვათ, აკუმულატორი, ქიმიურ ენერგიას, ელექტროენერგიად გარდაქმნის და მის გარეშე, ვერც მანქანას დავქოქავთ და ვერც სხვადასხვა ელექტრონული მოწყობილობა ვერ იმუშავებს.

დღევანდელ ბლოგშიც სწორედ ამ საკითხზე გვინდა გესაუბროთ და განვიხილოთ ის ძირითადი ფაქტორები, რომლებმაც ზამთრის ცივ დღეებში, შესაძლოა, მისი მწყობრიდან გამოსვლა გამოიწვიოს.

ადამიანის შეცდომა

სამწუხაროდ, ჩვენი ავტომობილის აკუმულატორის ნომერ პირველი ,,მტერი“, ხშირ შემთხვევაში ჩვენთვითონვე ვართ. რადგან საკმაოდ გავრცელებული არის ფაქტი, რომ როდესაც მანქანას ვაჩერებთ, გადმოსვლისას რომელიმე ელექტრონული მოწყობილობა ჩართული გვრჩება. მაგალითისთვის, როდესაც მანქანას დააპარკინგებთ, დარწმუნდით, რომ შიდა განათება თუ ფარები გამორთულია. ასევე დარწმუნდით, რომ თქვენი ავტომობილის ყველა კარი დახურულია, რადგან თუ რომელიმე მათგანი ღია დარჩა, მონაცემთა დაფაზე შესაბამისი მაჩვენებელი ჩართული დარჩება და ამანაც კი, შესაძლოა, აკუმულატორის ენერგიისგან დაცლა გამოიწვიოს.

ამასთანავე, აუცილებლად გამორთეთ ყველა აქსესუარი, რაც ენერგიას მოიხმარს, მაგალითად თქვენი მობილურის დამტენი. რადგან, ზოგიერთ მანქანაში, USB პორტები და სიგარეტის სანთებელა, ენერგიას იღებს მაშინაც კი, როდესაც მანქანა გამორთულია.  

გარდა ამისა, როდესაც ძრავა გამორთულია, მოერიდეთ რადიოს, GPS-ისა, თუ სხვა ელექტრომოწყობილობის 20 წუთზე მეტი ხნით გამოყენებას, რათა დავეხმაროთ აკუმულატორს შეინარჩუნოს დატენილი მდგომარეობა და გასაღების გადატრიალებისას, ძრავი შეუფერხებლად დაიქოქოს.

კოროზია

მოგეხსენებათ, რომ აკუმულატორს აქვს ორი პოლუსი, დადებითი და უარყოფითი, მათ უწოდებენ ე.წ ტერმინალებს, რომლებთანაც დაკავშირებულია სპეციალური ელექტრო კაბელები. ტერმინალების ირგვლივ ფხვიერმა/კოროზიულმა ნადებმა, შესაძლოა, ხელი შეუშალოს აკუმულატორის დატენვას. ამიტომაც, მათი დროული გაწმენდა და კაბელების მდგომარეობის შემოწმება, თავიდან აგაცილებთ რიგ პრობლემებს. უფრო კონკრეტულად კი, თუ ტერმინალების გარშემო ზემოხსენებულ თეთრ ფხვიერ მასას შეამჩნევთ, დაუყოვნებლივ გაწმინდეთ ისინი. ამისათვის კი, შეგიძლიათ გამოიყენოთ მშრალი ქსოვილი, რითაც მოაშორებთ კოროზირებულ და ჭუჭყიან არეს. ამასთანავე, შეგიძლიათ გამოიყენოთ ცოტაოდენი საცხობი სოდა, წყალი და კბილის ჯაგრისი, მათი მეშვეობით, მარტივად შეძლებთ ნადების მოშორებას. გარდა ამისა, პერიოდულად შეამოწმეთ, თუ რამდენად მყარად არის დამაგრებული ელექტროკაბელები, თითოეულ პოლუსზე. რადგანაც, დროთა განმავლობაში, სხვადასხვა ფაქტორმა, შესაძლოა, მათი მოშვება ან სრულად მოძრობა გამოიწვიოს.

დაბალი ტემპერატურა

დაბალი ტემპერატურა ყველაფერს ანელებს, განსაკუთრებით კი, ქიმიურ რეაქციას, რომელიც აკუმულატორის შიგნით მიმდინარეობს. ცოტამ თუ იცის, რომ 0 გრადუსზე, აკუმულატორი კარგავს სიმტკიცის 35%-ს, ხოლო დაახლოებით -17 გრადუსზე კი, 60%-ს. დარჩენილი ენერგია კი არ არის საკმარისი ძრავის დასაქოქად.

ამიტომაც, არსებობს სპეციალური ,,აკუმულატორის საბანი“, რომელიც ცივ ამინდებში მყარად უნდა შემოახვიოთ მას და სწორედ ის დაიცავს აკუმულატორს დაბალ ტემპერატურულ პირობებში. ამასთანავე, კარგი იქნება თუ, ავტომობილს ავტოფარეხში დავტოვებთ, ან თუ ამის საშუალება არ გაქვთ, ეცადეთ ავტომობილი ქარისგან დაცულ ადგილზე გააჩეროთ.

გახსოვდეთ, რომ სრულად დამუხტული აკუმულატორი არ იყინება დაახლოებით -60 გრადუსზეც კი, ხოლო სრულად დატვირთულ მდგომარეობაში, როდესაც სხვა მოწყობილობებია ჩართული, გაყინვას იწყებს დაახლოებით 0 გრადუსზე.

და ბოლოს, თუ თვლით, რომ თქვენი ავტომობილის აკუმულატორს რაიმე პრობლემა აქვს და ვერ უზრუნველყოფს მანქანისთვის საჭირო ელექტროენერგიის მიწოდებას, მაშინ გვეწვიე ამბოლის ნებისმიერ ფილიალში, სადაც სპეციალური მოწყობილობის მეშვეობით, ჩვენი თანამშრომლები დროულად შეამოწმებენ მის მდგომარეობას და საჭიროების შემთხვევაში, თქვენი ავტომობილისთვის შესაფერისი აკუმულატორის შერჩევაშიც დაგეხმარებიან.

გისურვებთ მშვიდობიან მგზავრობას.

ამბოლი, მეტი დრო მოძრაობისთვის!