ზაფხულის ცხელი დღეების დადგომასთან ერთად ერთ-ერთი საფიქრალი სწორედ ისაა თუ როგორ დავაღწიოთ თავი მაღალ ტემპერატურას და რამდენიმე საათით ან თუნდაც უქმეებზე, ქალაქგარეთ გავემგზავროთ.

ამისთვის კი, საჭიროა, ჩვეულებრივზე მეტი ხალისით მოვემზადოთ - მოვიმარაგოთ პლედი, გამაგრილებელი სასმელი, გემრიელი წასახემსებლები, ჩავსხდეთ მანქანაში, ჩავრთოთ საყვარელი მუსიკა და საყვარელ ადამიანებთან ერთად გზას დავადგეთ. 

 ამ ბლოგში გვინდა გესაუბროთ 5 თბილისთან ახლომდებარე ადგილზე, სადაც დასვენებასა და ყოველდღიური რუტინული გარემოსაგან გაცლას შეძლებთ.

ჭილის ტბა

ეს ტბა თბილისთან საკმაოდ ახლოსაა(20 კილომეტრში). ის ზღვის დონიდან 1130 მეტრზეა გაშლილი და გამოირჩევა ულამაზესი ხედებითა და გასაოცარი ბუნებით. ეს ტერიტორია ერთ-ერთი საუკეთესო ადგილია დასასვენებლად და კარგი მოგონებების შესაგროვებლად.

მამკოდა-ზედაზენის ბილიკი

მთელი ეს გზა სპეციალური მარკირებითაა მონიშნული, რათა მნახველს გზა არ აერიოს. ბილიკი იწყება სოფელ მამკოდიდან, გაივლის ვეჯინის ხეობას და მიემართება დიდველისაკენ, რომელიც ზღვის დონიდან 1440 მეტრზე მდებარეობს. ეს ტერიტორიაც, როგორც მისი წინამორბედი, გამოირჩევა ულამაზესი ხედებითა და იდეალურად შერწყმული მცენარეული საფარით.

თბილისის ეროვნული პარკი

ეს პარკი თბილისის შემოგარენში მდებარეობს და სამი მხრით არის გაშლილი. გამოირჩევა ულამაზესი ლანდშაფტური გარემოთი და სპეციალურად დამსვენებლებისთვის მოწყობილია საპიკნიკე ადგილები. აღსანიშნავია ის ფაქტიც, რომ საბადურისტყეც მის შემადგენლობაში შედის, რომელიც წელიწადის ნებისმიერ დროს ულამაზესია და აღტაცებულს ტოვებს მნახველებს.

ბაზალეთის ტბა

ეს ტბა თბილისიდან 40 კილომეტრის დაშორებითაა და ცნობილია, როგორც მისი სილამაზით, ასევე სამკურნალო თვისებებითაც. სწორედ ამიტომ, ეს ადგილი დამსვენებლების ნაკლებობას არასდროს განიცდის. ბაზალეთზე მოწყობილია ყველა საჭირო დასასვენებელი ინფრასტრუქტურა და ამავე დროს იქ მისვლა თქვენ შეგიძლიათ, როგორც საკუთარი ავტომობილით, ასევე სპეციალურად გამოყოფილი საზოგადოებრივი ტრანსპორტით.

საგურამო

და ბოლოს, ის ერთ-ერთი გამორჩეული ადგილია დასასვენებლად, რომელიც თბილისთან ახლოს მდებარეობს და სულ რამდენიმე წუთში შეძლებთ იქ მისვლას. მთავარი გზატკეცილიდან გადახვევისას პირველი შეგხვდებათ წიწამურის ულამაზესი ტყე, სადაც დასვენებასა და განტვირთვას შეძლებთ. ხოლო თავად საგურამოში მდებარეობს ილია ჭავჭავაძის სახლ-მუზეუმი, რომელიც 1949 წელს, გიორგი ლეონიძის თაოსნობით გაკეთდა. ეს ადგილი საკმაოდ პოპულარობით სარგებლობს დამსვენებლებში და ამავე დროს გამოირჩევა ბუნების მრავალფეროვნებით.

სწორედ ამ 5 ულამაზესი ადგილის შესახებ გვინდოდა გვეთქვა, სადაც უქმეების გატარებასა და განტვირთვას შეძლებთ. რაც მთავარია, თბილისში დასაბრუნებლად 1 საათზე ნაკლები დრო დაგჭირდებათ, ასე რომ შემოღამებაზე არ იდარდოთ!

გისურვებთ მშვიდობიან მგზავრობას.

ამბოლი, მეტი დრო მოძრაობისთვის.