ჩვენი ავტომობილის ძრავი ეს არის ერთი დიდი ლითონის ნაჭერი, რომლის შიგნითაც ასევე მრავალი მცირე ზომის დეტალებია. ისინი ერთმანეთთან მჭიდროდ და ლოგიკურად არიან დაკავშირებულები და საერთო ჯამში ქმნიან ერთ მთლიანს. თითოეულ მათგანს მნიშვნელოვანი როლი აკისრია და რომელიმეს დაზიანება, ავტომატურად იწვევს სხვა აგრეგატების მწყობრიდან გამოსვლასაც. ბევრჯერ აღგვინიშნავს და კიდევ გეტყვით, რომ ამ დეტალებს შორის მოქმედებს ხახუნის ძალა და თუ ის დაბალანსებული არ არის და ნორმაზე მეტია, მაშინ ლოგიკურად გამოიწვევს ცვეთას და დააზიანებს რომელიმე ნაწილს. სწორედ ამ ხახუნის შემცირებას და მათ შორის დამცავი ,,ბარიერის“ როლს, ძრავის ზეთი ასრულებს. ის აღწევს ძნელად მისადგომ ადგილებშიც კი და იცავს აგრეგატს დაზიანებისგან.

ამ ბლოგში კი, როგორც სათაურიდან მიხვდით, გვინდა გესაუბროთ 5 ფაქტზე, რომლებიც შესაძლოა არ იცოდეთ ძრავის ზეთის შესახებ.

რას ნიშნავს წარწერა ზეთის შეფუთვაზე?

მოგეხსენებათ, რომ შეფუთვაზე დატანილია წარწერა(მაგალითად-10W30),რომლებიც ერთმანეთისგან განსხვავდება და რეალურად მნიშვნელოვან ინფორმაციას გვაწვდის, ამ კონკრეტული ზეთის შესახებ. ეს წარწერა დიდი ხნის წინ, ნავთობის ინჟინერთა საზოგადოებამ(SAE)შეიმუშავა მისი სიბლანტის შეფასების მიზნით.  რაც უფრო დაბალია რიცხვი W(Winter)-მდე, მით უფრო თხელია ზეთი და უკეთ მიედინება ძრავის ნაწილებს შორის დაბალ ტემპერატურაზე. ხოლო W-ის შემდეგ რიცხვი კი იმავეს მიუთითებს, ოღონდ პირიქით, მაღალ ტემპერატურაზე. უფრო მაღალი რიცხვები მიუთითებს, რომ ზეთი არის უფრო ბლანტი. ძრავის ზეთები შეფასებულია მათი სიბლანტის მიხედვით, თუ როგორ რეაგირებენ, როგორც ცივ, ასევე ცხელ ტემპერატურაზე. თქვენი ავტომობილის სახელმძღვანელოში ნათლად არის მითითებული, თუ რა სიბლანტის ზეთი უნდა გამოიყენოთ ძრავისთვის.

რა განსხვავებაა მინერალურ და სინთეტიკურ ზეთებს შორის?

მინერალური ზეთი არსებითად იგივეა, რაც მისი ნიადაგიდან მოპოვების დროს იყო. ხოლო სინთეზური ზეთები კი, გამოხდილია და დამუშავებულია მის საბაზისო მოლეკულებამდე. შედეგად კი, სინთეზური ზეთი, სპეციალური დამუშავების შემდეგ, უკეთ იცავს ძრავს და მის ნაწილებს დაზიანებისგან. ფასშიდაც რა თქმა უნდა არის განსხვავება და მინერალური ზეთი შედარებით იაფია.

სინთეტიკური ზეთი უფრო მეტია, ვიდრე უბრალოდ ზეთი

სრულად სინთეტიკური ზეთი, თანამედროვე ლაბორატორიებში, მაღალკვალიფიციური მეცნიერების ჩარევის შედეგად მიიღება და მას გააჩნია ყველა ის საჭირო თვისება და მინარევი, რომელიც მაქსიმალურად იცავს ძრავს და მის დეტალებს. მაგალითისთვის დამატებულია, თუთიის, გოგირდის, ფოსფორისა და სხვა მოლეკულები.

ძრავის ზეთში ლითონის დამატება ამცირებს ხახუნის ძალას

დაუჯერებლად ჟღერს, თუმცა ზოგიერთმა ნავტობპროდუქტების კომპანიამ, მნიშვნელოვან წარმატებას მიაღწია ძრავის ზეთში ტიტანის დამატებით. რეალურად ეს დანამატი აკავშირებს ლითონის ნაწილებს და წარმოქმნის მცირე დამცავ ფენას აგრეგატებს შორის, როდესაც ძრავი ხელახლა ჩაირთვება და მიაღწევს ოპტიმალურ სამუშაო ტემპერატურას.

მაგნიტური ნაწილაკები ამცირებს ცვეთას

ნავთობმწარმოებლებმა კიდევ ერთი გზა აღმოაჩინეს. მათ ზეთს მაგნიტური ნაწილაკები დაუმატეს და ცდების შედეგად დაადასტურეს, რომ მიღებული ნაზავი, მნიშვნელოვნად და ეფექტურად ამცირებს ცვეთას. როდესაც ძრავა გამორთულია, ეს ნაწილაკები მჭიდროდ ეკვრის მის დეტალებს და ხელახლა დაქოქვისას ამცირებს ცვეთის დონეს.

ენდეთ თქვენი ავტომობილის სახელმძღვანელოს და სწორედ მასში მითითებული სიბლანტის ზეთი გამოიყენეთ ძრავისთვის. ანდაც გვეწვიეთ ამბოლის ნებისმიერ ფილიალში და ჩვენი მაღალკვალიფიციური თანამშრომლები დროულად შეგირჩევენ თქვენი ავტომობილის ძრავისთვის შესაფერის ზეთს. სწორად შერჩეული ზეთი, ძრავის გამართულად და ხანგრძლივად ფუნქციონირების საწინდარია.

გისურვებთ მშვიდობიან მგზავრობას.

ამბოლი, მეტი დრო მოძრაობისთვის!