საბურავები ავტომობილის მნიშვნელოვანი ცვეთადი ნაწილია, რომლებიც პერიოდულ შემოწმებასადა შეცვლას საჭიროებს. ისინი აუცილებლად ისე უნდა მოვარგოთ ჩვენს ავტომობილს, რომ გავითვალისწინოთ ყველა ის კლიმატური თუ გარემო პირობები, რომლებშიც გვიწევს გადაადგილება. სწორად შერჩეული საბურავი ჩვენი უსაფრთხო და კომფორტული მგზავრობის გარანტია.

ახლა კი, გადავიდეთ ერთ-ერთ აქტუალურ საკითხზე, რომელსაც პერიოდულად მანქანის მფლობელები აწყდებიან, ეს არის ის, თუ როდის უნდა შევცვალოთ ზამთრის საბურავები ზაფხულის კომპლექტით, ან პირიქით. ამ საკითხზე ერთმნიშვნელოვანი პასუხი არ არსებობს, რადგან ამინდი და, ზოგადად, კლიმატური პირობები ქვეყნის სხვადასხვა კუთხეში განსხვავებულია. თუმცა, არსებობს ერთი მნიშვნელოვანი წესი, რომლის შესრულებაც გაგვიადვილებს ამ პრობლემის გადაჭრას. როდესაც გარემო ტემპერატურა 7 გრადუსი ან მეტია, დროა, ზამთრის საბურავები ჩავანაცვლოთ ზაფხულის სეზონისთვის განკუთვნილი საბურავებით. (მას ასევე უწოდებენ ე.წ ,,შვიდის წესს“)

მოკლედ რომ ავხსნათ, ისინი ისე არიან შექმნილი, რომ მაქსიმალურად ეფექტური იყვნენ შესაბამის პირობებში. მაგალითად, ზამთრის საბურავები დამზადებულია უფრო რბილი რეზინის ნაერთისგან, რათა დარჩეს მჭიდრო და ელასტიური ცივ პირობებშიც კი. მათი სარბენი ბილიკის ნიმუშიც მაქსიმალურად ადაპტირებულია ზამთრის კლიმატისთვის, რათა ეფექტური მოჭიდება ჰქონდეს, როგორც თოვლზე, ასევე ყინულის ზედაპირზე გადაადგილებისას.

განსხვავებით ზამთრის კომპლექტისა, ზაფხულის საბურავები შექმნილია თბილი და ცხელი გარემო პირობებისთვის, ამიტომ ისინი ყველაზე ეფექტური სწორედ ზაფხულის თვეებში არიან. დამზადებისას გამოყენებულია ბევრად უფრო მტკიცე რეზინის ნაერთი და შედარებით დაბალი ზომის სარბენი ზედაპირი, რომელებიც მაქსიმალურ შედეგს იძლევიან სითბოში, როგორც მშრალ, ასევე სველ ზედაპირზე მოძრაობისას.

შესაბამისად, არსებობს როგორც ძალიან ადრე, ასევე გვიან შეცვლის რისკებიც. მაგალითად, თუ ზაფხულის საბურავებს გამოვიყენებთ ცივ გზაზე გადაადგილებისას, მისი ხისტი ნაერთი შესაძლოა დაზიანდეს და ან სულაც ვერ უზრუნველყოს ეფექტური მოჭიდება მკაცრ კლიმატურ პირობებში, ეს კი, თავის მხრივ, გაზრდის ავტოსაგზაო შემთხვევის მოხდენის რისკს. ხოლო ზამთრის ბორბლების ცხელ პერიოდში გამოყენება, მის ისედაც რბილ მასალას უფრო დაარბილებს და გაზრდის ცვეთის ინტენსივობას. ეს კი, რა თქმა უნდა, აისახება ავტომობილის მართვასა და დამუხრუჭებაზე.

ასე რომ, უსაფრთხოების ასპექტიც აშკარაა და უნდა აღინიშნოს ის ფაქტიც, რომ საბურავების სეზონურად გამოყენება დაზოგავს თქვენს ფულს, გრძელვადიან პერსპექტივაში. ასეთი მიდგომით თქვენ ამცირებთ ბორბლების გამოცვლის აუცილებლობას, მათი დაზიანებისა და ცვეთის გამო. შესაბამისად, თქვენი მგზავრობაც უფრო სასიამოვნო და კომფორტული ხდება. ავტომობილი კი ეფექტურად მოიხმარს საწვავს, რაც პირდაპირ აისახება გარემოსა და თქვენს საფულეზე.

დაბოლოს, თუ გსურთ თქვენი მანქანისთვის შესაბამისი საბურავების შერჩევა, მაშინ გვეწვიეამბოლის ნებისმიერ ფილიალში, სადაც შეხვდებით მსოფლიო ბაზარზე მოწინავე ბრენდების პროდუქციას, ჩვენი თანამშრომლები კი იზრუნებენ დროულად და ხარისხიანად ჩაუტარდეს ყველა საჭირო სერვისი თქვენს ავტომობილს.

გისურვებთ მშვიდობიან მგზავრობას.

ამბოლი, მეტი დრო მოძრაობისთვის!