კალი ბონქის მდიდრული სასახლის სიღრმეში, ღვინის სათავსოების მიმდებარედ, იქ, სადაც უძველესი ქვის კედლები წარსული ეპოქის ზღაპრებს ჩურჩულებს, რობოტი ლუი ფუსფუსებს. მისი ლითონის ხელები ზედმიწევნით ოსტატურად ქმნის ოცნებების ასახდენ ჯადოსნურ ლაბორატორიას, ადგილს, სადაც ძალიან მალე, ზღვარი ადამიანის ხორცსა და ფოლადს შორის ბოლომდე გაფერმკრთალდება.

რობოტმა გადმოცემით იცის იმ დღის შესახებ, როცა მღელვარე ტალღამ გემი დაკბილულ კლდეებს შეახეთქა, მამაცი მეზღვაური, პიტერ ქარდი კი სიკვდილის ანგელოზთან პაემანზე გაუშვა. თუმცა, როგორც ჩანს, ჭაბუკი ცხოვრებასთან განშორებას არ ჩქარობდა და რაღაც ამოუცნობი ჟინის წყალობით, მაინც ჯიუტად ინარჩუნებდა ადგილს ცოცხლების სიაში, მიუხედავად იმისა, რომ მის სხეულს აშკარად ეტყობოდა ზღვის ურჩხულთან შემზარავი შეხვედრის შედეგად მიღებული იარები.

ჯერ კოშმარულ ტკივილებსა და მოგვიანებით კომაში, უგონოდ გატარებული თვეების შემდეგ, როგორც აღმოჩნდა, მამაც მეზღვაურს ბედმა ბოლომდე ზურგი არ შეაქცია და განსაცდელში რობოტი მოუვლინა, რომელიც თავისი უნიკალური თვისებების წყალობით, მზადაა დაჭრილ სულს ახალი სუნთვა შთაბეროს.

მანქანისთვის არადამახასიათებელი ინტუიციის, ტექნოლოგიური სრულყოფილების, ალქიმიის, თუ კიდევ უთვალავი, ჩვენთვის ამ ეტაპზე შეუცნობელი ფარული შესაძლებლობის, გნებავთ ნიჭის წყალობით, რობოტი ლუის ლაბორატორია დღითიდღე სრულყოფილი ხდება. ყოველი სქემის ერთმანეთთან დაკავშირება, ნებისმიერი მოწყობილობის მწყობრში მოყვანა, სანათის ანთება, თუ მილის გაყვანა, მისი წარმატების შანსს კიდევ უფრო ზრდის და უკიდეგანოდ აფართოვებს იმ შესაძლებლობის საზღვრებს, რომელსაც ადამიანის კიბორგად გარდაქმნა ქვია.

...................................................................

გაოცებისა და იმედის შეგრძნება, რომელიც ტექნოლოგიების და ადამიანის სულის უსაზღვრო პოტენციალის სინთეზითაა გამოწვეული, სამყაროში ახალი ეპოქის დასაბამის ნიშანია.

ერთი შეხედვით გადაულახავი გამოწვევების პირობებში, ტრანსფორმაციისა და განახლების ახალი შესაძლებლობა ჩნდება და მას გამომგონებლობის, შთაგონების და თანაგრძნობის სურვილი ხელმძღვანელობს.