როდესაც მერსედესზე ვსაუბრობთ, პირველი, რაც ყველას აფიქრდება მისი ლეგენდარული გამძლეობა და უმაღლესი დონის აწყობის ხარისხია. გერმანულ ავტომწარმოებლებს შორის ის ყოველთვის გამოირჩეოდა მისი დახვეწილი დიზაინითა და კომფორტულობით. თუმცა ერთია ისაუბრო მერსედესზე, მაგრამ საერთოდ სხვა საკითხია როდესაც ვსაუბრობთ S class-ზე.

ყველას კარგად მოგეხსენებათ, რომ ეს არის Mercedes-ის უმაღლესი ბიზნეს კლასი. მისი ისტორია ჯერ კიდევ გასული საუკუნის 50-იანი წლებიდან იღებს სათავეს და მუდამ აღფრთოვანებულს ტოვებდა მნახველს. მისი გამოჩენა მაშინაც და ახლაც ყოველთვის ასოცირდება სიმდიდრესა და ფუფუნებასთან.

ამ ბლოგშიც სწორედ მასზე გვინდა გესაუბროთ და წარმოგიდგინოთ უახლესი თაობის AMG S63E. ავტომოყვარულები მას ხშირად ადარებენ დედამიწაზე ყველაზე დიდ ცხოველს - სპილოს. ეს გასაკვირი არცაა, რადგან ის იმდენად მასიურია, რომ ნამდვილად მოგვაგონებს ამ გიგანტს. მისი წონა დაახლოებით 2500 კილოგრამია, ხოლო სიგრძე კი 5.5 მეტრს აღწევს და გამოიმუშავებს დაახლოებით 800 ცხენის ძალას.

AMG ათწლეულების განმავლობაში ყოველთვის ეწინააღმდეგებოდა ფიზიკის კანონებს და ყოველ ჯერზე ახალი მონსტრების შექმნით იპყრობდა ავტომოყვარულების ყურადღებას. დაწყებული, ჯერ კიდევ 1970-იანი წლების Mercedes-Benz 300SEL 6.8 Red Pig-ით.

მაგრამ ყველა სახეობას სჭირდება განვითარება და ჩვენი უახლესი თაობის S class განახლებული ძრავით მოგვევლინა. უფრო კონკრეტულად კი, სტანდარტული S63-ის 4.0 ლიტრის მოცულობისა და 603 ცხენის ძალის მქონე ძრავს დაუმატეს ჰიბრიდული ძრავი რომელიც დამატებით 188 ცხენის ძალას გამოიმუშავებს და დაკავშირებულია ლითიუმ-იონურ ბატარეებთან. ეს ბატარეები შემუშავებულია ბრიტანეთში F1-ის ძრავების მწარმოებლებთან ერთად. High Performance Powertrains (HPP)-იყენებს ლითიუმ-იონური ენერგიის შენახვის სისტემას. ის გამოყენებულია Mercedes-AMG Petronas F1-ის სარბოლო ავტომობილებში.

მიუხედავად იმისა, რომ ჰიბრიდული სისტემა ცოტა არ იყოს რთულად და დამაშინებლად ჟღერს, ეს შეგრძნება მყისიერად გიქრებათ, როდესაც მის საჭესთან კომფორტულად მოკალათდებით. ხოლო აქსელერატორზე ფეხის დადება და აჩქარება ერთია, რადგან ასეთ დროს წამიერად კომბინირებულად იწყებს მოქმედებას როგორც შიდა წვის, ასევე ჰიბრიდული ძრავი და ეს ამხელა გიგანტი ადგილიდან 100კმ/სთ-ს 3.2 წამში ავითარებს. ავტომობილის მაქსიმალური სიჩქარე ელექტრონულადაა შეზღუდული და 250 კმ/სთ-ია.

რაც შეეხება მის დიზაინს, ექსტერიერში პროფესიონალურად ერწყმის ერთმანეთს აგრესიული და დახვეწილი დიზაინი. AMG-ის ორნამენტებით, სპეციფიური და ბრუტალური ცხაურითა და უკანა ტრაპეციული ფორმის დიფუზორით, ამას თან ერთვის 21 დიუმიანი საბურავები სპეციალურად S63-ისთვის. ხოლო ინტერიერი, როგორც ყველა S Class-ისთვისაა დამახასიათებელი, შესრულებულია უმაღლესი ხარისხის მასალებითა და ჩვეული მდიდრული გარემოთი. რაც ნიშნავს უზმოდ კომფორტულ მგზავრობასა და უმაღლესი ხარისხით შეკერილ სალონის დეტალებს, რომლებიც გაფორმებულია AMG-ის ემბლემებით. ეს ყველაფერი კი კიდევ ერთხელ გვახსენებს მის მაღალ ფასს და მდიდრულობას. მისი ერთადერთი კონკურენტი მხოლოდ Porsche Panamera Turbo S E-Hybrid-ია, თუმცა S class-ის უკანა სავარძელი უდაოდ რჩება სეგმენტის ეტალონად.

რაც შეეხება ფასს, საბაზისო მოდელის შეძენა სულ რაღაც 190000 $ დოლარადაა შესაძლებელი.

გისურვებთ მშვიდობიან მგზავრობას.

ამბოლი, მეტი დრო მოძრაობისთვის.